والدي يرفض إكمال دراستي أو خروجي للعمل وأنا أتمنى أن أحمل شهادة

انا تخرجت من المدرسة من سنتين و لم استطيع تكملة دراستي بسبب الوضع المادي

الي سنتين كل فصل والدي يحكيلي الفصل الجاي بخليكي تدرسي وانا بصدق و بقتنع ويجي الفصل الجاي ويحكيلي ما بقدر ادرسك هلأ الفصل يلي بعده بدرسك و المشكلة انه لا يسمح لي ان اشتغل و يقول ما عندي بنات تطلع من البيت وتشتغل

 انا دائما كنت بتمنى ادرس و اشتغل و اصرف على حالي و ما اكون ثقل على حدا و اخر مرة تكلمت انا و ابوي بالموضوع بحكيلي ما بقدر اخليكي تدرسي هلأ و المفروض استنى كمان سنة و انا تعبت الي سنتين بالبيت ما بعمل اشي مفيد نهائيا وبطل عندي اهداف او طموح و بطل يهمني اي اشي و فعليا انا يمكن كل ثلاث او اربع شهور بطلع من البيت مرة وحدة .

بدي حل تعبت مش عارفة شو اعمل مش عارفة وين الغلط و الحل مش بايدي كل ابواب مسكرة بوجهي وانا ما بدي اتزوج بعمر صغير ..

بدي اشتغل بدي ادرس بدي يكون معي شهادة .