أختي شوهت سمعتي أمام الجميع حتى أصبحت أخجل من الاختلاط بالناس

أنا الأخت الوسطى ولدي أختين اكبر واصغر ، كنت الطيبه فيهم اساعد أمي وأحن عليها وارضي والدي عشنا بيت مافيه احترام حتى تزوجت لم أكن راضيه بنصيبي بس كنت ابي ابعد عن جو البيت ، للأسف أهل زوجي غيورين سكنت معهم واستغرب تجاهلهم والتقليل من قدري وزوجي طيب بس مطيع لهم لدرجة السجاذه فصرت معاهم رسميه ولكن لم اسلم من مؤامراتهم علي ..

المهم الان مشكلة اهلي كنت اشوف الحب والمدح والاهتمام لأختي وعيالها ونا طناش وكبرت راسي لكن بعد ماجبت عيال بديت اشوف عدم العدل بالتعامل للأسف وأثر هالشي على أولادي فحاولت الابتعاد قليلا ، للأسف اختي الكبيرة لها تأثير قوي على أمي وأبوي بدت الفتنة بينا وني حساسه وعيالي دلوعين ومن هالكلام وللاسف والداي كلمه توديهم وكلمه تجيبهم وكانت شخصيتها قويه جدا وللاسف اتحدت مع اختي الأصغر مني لأنهم نفس الطباع تجاهلت تصرفاتهم بي وصلت فيهم يغيرون أمك وأبوك عليك وحتى الاقارب يبعدونهم عني استقواء علي وظلم ، تخيلو حتى اخواني تزوجو ونا اخر من يعلم اذا تم موضوع الزواج دريت للأسف تألمت شديد منهم ، اختي تزوجو بناتها وعيالها ونا مادري الا من الناس ، وإذا الناس سالو عني تقول مسافره أو ماتبي تجي ، الي محيرني سكوت ابوي وامي مره يصدقونهم ، سوالي لكم أنا ما ابي ابين للناس اننا متفرقين بس للأسف هم يبينون وبشكل ثابت أني ما ابيهم ،، والي محيرني سكوت ابوي وإمي ، وتخيلو حتى الاقارب يكونون زينيت معي وفجأة يتغيرون على أصبحت وحيده وتمسكت بالدعاء ليل نهار الله ينصرني على من ظلمني ،، ايش الحل أنا ما أحب أقاربي يشوفوني وحيده خاصة في التجمعات احس بحرج وكيف ابين للناس أني كويسه وهم يشوهوني ويبعدون الناس عني لأني صرت القاطعه الان عند الاقارب بسببهم .