خطيبتي طلبت الطلاق والسبب رسالة قديمة لحبيبتي السابقة

زمان كنت بحب واحده والمفروض ان هى كمان بتحبنى هى اقل من مستوايا الاجتماعى بكتير واهلها ناس بسطة اوى بس كنت بحبها ولما فتحت موضوعها مع اهلى رفضوا وقالولى يابنى البنت شكلها مش بتحبك وبتستغلك اتعصبت واتخانقت مع اهلى عشانها وسبت البيت وروحت قعت عند صاحبى المقرب واتصلت عليها وحكتلها اللى حصل وقلتلها انا خلاص جاى اتقدملك وهنبنى نفسنا من الصفر ومش عايز فلوس اهلى ومن بكرا هنزل ادور على شغل قالتلى نام دلوقتى وبكرا نتكلم وقفلنا تانى يوم فضلت اتصل عليها طول اليوم مبتردش لدرجة ان قلت اكيد حصلها حاجة و رنيت على واحده صاحبتها قالتلى هى كويسها ابعد عنها انت وهتبقى احسن وبعد زل واهانها عشان اوصلها لما قابلتها قالتهالى صريحا انا وانت مش لبعض قلتلها ايه حصل لكل داه انا سبت اهلى عشانك قالتلى ارجعلهم انت من غيرهم متعرفش تعيش قلتلها لا هعرف انا فضلى سنه واتخرج وهشتغل وانتى عارفه مرتبات مهندسين البترول كويسه وهنعرف نعيش قالتلى انت من غير اهلك ولا حاجة ولا حد هيرضى يوظفك لو ابوك قالهم لا وكمان انا مش عايزة اتعب تانى فى حياتى وسباتنى كنت بحبها اوى وبموت فى غيابها ورجعت لاهلى و اتخرجت واشتغلت وبعد ما سبتها بسنتين خطبت كان بسبب تصميم اهلى فى الاول كان مشاعرى ناحيتها عادية والبنت كويسه وبنت ناس وابوها وابويا صحاب من ازيد من ٢٠ سنه وبصراحه مع الوقت خلتنى اعجب بشخصيتها واخلاقها وتفكيرها وشويه شويه لقيت فيها حاجات كتير حلوه وحبتها واكتشفت ان دى هى حبى الحقيقى وان انا مكنتش بحب الاولى وعشت اجمل ايام حياتى مع خطيبتى بس للاسف كنت عملت غلط كبير فى حياتى فى اول اسبوع فى الخطوبه وان انا بعت رساله للبنت الاولى قلتلها لسه بحبك وقلبى مش قادر يحب حد بعدك انا مش زعلان منك ولو موافقه نرجع لبعض انا هستغنى عن العالم كله عشانك ولو على الخطوبة صدقينى انا مش قادرة احبها ولا هعرف احبها هى مردتش عشان كانت على علاقه بشاب غنى الرساله دى بعتها قبل ما احب خطبتى انا عارفه ان اللى عملته غلط وندمان و خطيبتى متستهلش منى كدا خطيبتى مشفتش زيها فى العالم انسانه صافيه اوى حتى وهى عارفه ان مكنتش بحبها وحصل ظروف كبيرة وتقريبا كنا بتفقد ثروة بابا وبابا دخل المستشفى وكنت طلبت من واحد صاحبى مبلغ من الفلوس كان مبلغ كبير قالى هحاول اتصرفلك المبلغ كبير وبعدها لقيت خطبتى بتدينى الشبكه وبتقولى خدها انت محتاجة رفضت وبعدها لقيت صاحبى جابلى المبلغ كامل مع ان مكنش معاه نصه وعرفت ان خطبتى باعت الشبكه كلها واهل خطبتى دفعوا المبلغ ومخلوش صاحبى يدفع جنيه قالولى انت ابننا وكنت محروجه منهم وخطبتى قالتلى دى هديتك ليا وانا مش بحب البس غير الدبله ومتخفش مش بعتها اما الباقى مكنش ليه داعى من الاول انك تشترى كل الشبكة دى وكبرت فى نظرى اوى لما لقتها شريانى وفضلت شايلها فوق راسى وحبتها اوى وكتبنا الكتاب وكنت فرحان جدا ان اخيرا بقت حلالى وتانى يوم كتب الكتاب كلمتها قلتلها تعالى نخرج شويه وحشتينى قالتلى حاضر على ما تيجى اكون جهزت بس كان باين من نبرة صوتها ان فيه حاجة ولما شفتها حضنتها وبقولها وحشتبنى بعدت وقالتلى احنا فى الشارع وركبت العربية وقالتلى عايزة اروح مكان هادى واحنا بنتكلم بقولها زعلانه ليه قالتلى مفيش وبعدين سألت على اسم البنت دى وقالتلى تعرفها منين قلتلها بتسألى ليه قالتلى عادى مين دى قلتلها كنت اعرفها زمان كنا صحاب قالتلى صحاب قلتلها اه بتسألى ليه قالتلى انا مش عايزاك تضحك عليا انا مش طفله قلى الحقيقه مين دى وبدأت تعيط بأنهيار قلتلها فيه ايه اللى حصل فتحت موبايلها وادتهولى وقالتلى شوف لقيت الرساله القديمه اللى كنت بعتها للبنت فى اول اسبوع خطوبة والبنت شتمت خطبتى فى الشات وكلام كتير يوجع المحادثة دى بليل بعد ما كتبنا الكتاب قالتلى ادام مش عايزنى كدا ليه عيشتنى فى وهم انك بتحبنى ليه خلتنا نكتب الكتاب قلتلها انا حبك واللى كان بنا مكنش وهم قالتلى ازاى وانت بعتلها الرساله دى واحنا كنا مع بعض فضلت اعتذر وحكيت ليها كل حاحة عن البنت دى وبعدها قالتلى ممكن تروحنى ورحتها ومكنتش بترد على اتصلاتى وهى معرفنش حد من اهلها بأى حاجة ومفروض فرحنا يوم ١٨/٨/٢٠١٨ كلمتنى امبارح بليل قالتلى انا فكرت ولقيت الحل المناسب لعلاقتنا اننا نسيب بعض وياريت لو ليا معزة عندك تساعدنى اعرف بابا بقرارى وعايزين نبينلهم ان مفيش مشاكل قلتبها انتى مجنونة احنا متجوزين وانتى مرانى والطلاق مش لعبة انا سايبك تهدى عشان مقدر موقفك ومقدر قد ايه انا جرحتك وغلط فى حقك وعارف انك متستهليش كدا منى قالتلى عرفت انى مستهلش بس على العموم مفيش حاجة هتريحنى غير الانفصال وقفلت انا هتجنن من اللى بيحصل انا لو فى كابوس مش هيبقى كدا