أحاول استعادة خطيبي لكنه يرفض

السلام عليكم انا كنت مخطوبه من ٦شهور ومن رمضان اللي فات حسيت باهمال خطيبى ليا فكنت باعتبه ودايما باهتم بيه وأقدره لغايه ماحصل بنا زعل بسبب إهماله وانا بلحظه غضب قولتله خد شبكتك هو زعل وقالي ان ممكن اسيبه باي وقت المهم اعتذرت منه ورجعنا لبعض وبالعيد حصل منى موقف مكنتش اقصد انه.يزعل منى وفهمته وجه نظرى فتركنى شهر بدون كلام او مقابلات او حتى رد علي رسايلى لغايه متقولتلهًان مردتيش عليا هاجيلك شغلك فرد عليا وقالى كل شى قسمه ونصيب اتجننت خاصه ان بأحبه بجنون وبلحظه غضب قولتله كلام يضايق زى انت خونت وعدنا بالجواز ومطلعتش راجل قد كلمتك المهم انه تعب نفسينا وحصله مرض  نفسى ولما عرفت اعتذرت كتير له ووضحتله ان بأحبه بكل احواله وعمرى ماهتركه خاصه بالظروف الجديده الا انه اصر اننا نفترق واترفقنا لكن انا من يومها وانا عايشه ميته وحزينه لفرقنا وحاولت بشتى الطرق اننا نرجع لكنه رافض أرجوكم ساعدونى خاصه ان المفروض فرحنا بعد شهرين وكنا بنحضرله