تصرفات هذا العريس اصبحت تزعجني، فما الحل؟

استعجلت وبينت فرحتي بأن المتقدم لابنتي اري انه شخص ملتزم ومتدين لاقيت من امه التنطيط بعينه..اليكم ما حدث تقدم لابنتي شاب من الارياف وشقته هناك وظروفه متوسطة فرحت قلت طالما كويس ومحترم ماشي وفي الزيارة الثالثة طلبت منه ان نضع النقط على الحروف لمعرفة كيفية تسييير الامور حيث ان زوجي متوفي وجدت قيمة الشبكة لذي يتفق عليها قليلة قلت له يا ابني هاكمل من معايا واشتري لابنتي لتصبح مثل باقي عيلتها طيب العفش تعالي نشتري حاجة تليق بكوا علي اساس حاجة تعوض حاجة يعني الشقة في الارياف يبقي قدام عيلتها متجهزة كويس قالي هاخلي ماما تكلمك الست اتكلمت بما فيه انا حاملة هم بنتك لان ابوها متوفي والبنات دلوقتي قاعدة مش بتتجوز مشي الجوازة عشان معدش فيه شباب بيتجوز والرجال. بقوا مدلعين وعرضت مبلغ قليل رديت عليها بان قليل جدا انتي ما قدرتيش العيلة اللي داخلة عليها قالت ده اللي عندي شاوري نفسك وابقي ردي عليا مع السلامة ....طبعا استفزيت انا وبنتي وكلمت العريس عرفته اللي حصل قال خلاص نحاول نمشي الليلة وهأزود من عندي اللي انتوا عايزينه بس احنا خفنا منهم حسينا انهم طمعوا فينا وان العيشة معاهم هتبقي صعبة وممكن البنت تتعرض لمشاكل بالذات ان امه انكرت انها تهجمت عليا في الكلام السؤال لو انتم مكاني هتنهوا الموضوع ولا هتكملوا