شاركت أخي فسرق مالي وتعبي، ماذا أفعل معه الآن؟

أنا مشارك أخويا في شغل من ١٠ سنين ؛ انا نشيط و طموح و دايما عندي أفكار كتيرة في الشغل ؛ قبل ما أشارك أخويا كان مفروض حدخل شراكة مع واحد معرفة ؛ سمعته كويسة في الشغل ؛ بس في آخر لحظة قبل ما نمضي العقود غير رأيه ؛ بعدها فهمت انه سمع كلام وحش في ذمتي من أهله ؛ و شارك ابن عمه ؛ المهم أخويا عرض علي أشاركه ؛ أنا فكرت و استخرت بس قلبي ما كانش مستريح ؛ و شاركت أخوي ؛ و كان اتفاقنا أنه أول ما الشغل يستقر حنحاول نتوسع و نفتح فروع تانية ؛ و كنت واضح جدا معاه أني طموح ؛ و مش حقبل نفضل على بداية الشغل البسيطة ؛ و مرت السنين ؛ كل ما تيجي فرصة أطور فيها الشغل يرفض و يتعصب ؛ و يطلع بمليون سبب للرفض ؛ مع إنها بتكون محسوبة بالورقة و القلم ؛ و نسبة الخسارة بسيطة ؛ بس دي مش المشكلة الوحيدة ؛ المشكلة كانت في مدخول الشغل ؛ أخويا كان مسؤول من الأرباح ؛ كنت بحس ان الارباح مش منطقية ؛ مش على قد المجهودو لا زي ما بسمع من الناس الشغالة معانا في نفس المجال ؛ أخويا كنت بحس أنه مرتاح ماديا ؛ بس هو أصلا كان فترة في بلد تانية و لم مبلغ كويس ؛ و ده اللي خلانا نبدى الشراكة هو بفلوس أكتر و انا بمجهودي و تعبي و ساهمت بفلوس أقل؛ فكنت بقنع نفسي عشان كدة هو باين أنه مرتاح أكتر ، و عيالي كبروا و زادت مسؤوليات ؛ فبقيت بشتغل أكتر و أجي على صحتي على أمل أنه أحوال شغل تنصلح ؛ و بعدها مرضت و اتعالجت على القد عشان الوضع ما يسمحش ؛ قبل ٦ شهور كنت بدور في ايصالات قديمة ؛ فرحت فتحت درج في مكتب أخوي ؛ فتحت دفتر حسابات بالغلط ؛ اكتشفت دفتر حسابات غير البنتحاسب بيه ؛ و لقيت حسابات أول السنة و عن الأرباح الأنا فاكرها كويس غير المكتوب بفرق كبير جدا ؛ و لقيت حسابات أخوي في البنك ؛ و اتصدمت ؛ أخويا بسرقني !! أخويا اللي من لحمي و دمي ؛ أخويا اللي شافني بتعب و بشقى و مقصر على عيالي و هو السبب ؛ شافني تعبت و ما هانش عليه يديني حقي عشان اتعالج أحسن ؛ أنا قررت مش عايز أكمل في الشراكة دي ؛ بس أنا ما عنديش أبدى من أول و جديد ؛ و لا حتى صحتي تسمح ؛ غير عندي بيت و عيال مسؤولين مني ؛ صحبي المعرفة اللي كنت حشاركه قابلني صدفة ؛ و عرض علي أرجع أشاركه ؛ و لمح لي أنه وصله كلام غلط عني زمان ، و أنه فكر قبل كدةكتير يرجع يكلمني و يعتذر إنه ظلمني ؛ المشكلة دلوقت إني حلي الوحيد و المنطقي إني أسرق أخويا زي ما كان يسرقني ؛ زي ما هو مسؤول من الحسابات و الارباح ؛ أنا ممكن إني أزود تكاليف الشغل ؛ و هو مش حيعرف ؛ و حقدر أعمل راس مال بسيط أقدر أشارك بيه المعرفة صحبي ؛ و أبدا من جديد ؛ بس أنا مش عارف أسرق أخويا زي ما كان بسرقني ؛ مش هاين علي ؛ و انا بخاف ربنا ؛ و أنا خايف آخد أكتر من حقي ؛ أنا مهما اجتهدت أحسبها صح مش حعرف ؛ أنا مش عارف هو من أمتى بسرقني و سرق قد إيه ؛ أنا بخاف على نفسي و على عيالي من الحرام ؛ بفكر إني أواجهه و أكلمه بالحقيقة و أسيب الشغل ؛ و أتوكل على ربنا ؛ أنا محتار ، الظروف في البلد اللي لأنا منها وحشة أوي ؛ صعبة جدا أبدا من الصفر ؛و خصوصا صحتي في النازل و محتاج علاج علطول و عيالي لسة صغيرين حنضيع ؛ فكرت أسأل شيخ ؛ بس أكيد مفيش شيخ حيقولي روح إسرق أخوك ؛ أخوي سمع عن إني احتمال أشارك صحبي ؛ و طبعا بقى مبين لي الارباح بقت أحسن ؛ عشان مفكرش أسيب الشغل معاه ؛ هو مستفيد مني طبعا ؛ أنا تقريبا اللي بمشي الشغل ؛ بس هو مدرك كمان أنه ما عنديش اللي أشارك بيه غيره ؛ هو عارف اللي جاي على قد اللي رايح ؛ أنا مؤمن بربنا و بفكر ده امتحان إني بكل الظلم اللي شفتو ما أعملش حاجة تغضب ربنا ؛ فرأيكم إيه ؟ يمكن ألقى عندكم كلام يريح ضميري و يطمني