مشاعري مبعثرة وغير قادرة على اتخاذ القرار الصحيح

مرة اتقدملي واحد وكنت رافضة تماماً وما ابي اتزوجه وبعدين شفت حسابه وشفت هواياته حسيت انه امممم شكلها رسالة من ربي انه هو هذا الشخص المناسب رغم انه كان في صوت ينتقد لبسه واسلوبه في الكلام وبعدين حسيت انه عادي هذي الاشياء مو مهمة وافقت بس كنت مترددة واحاول اقنع نفسي فرحت شوي وبعد جت الشوفة الشرعية كنت خايفة اني ما اعجبه لكن دخلت ولما جلست واتكلم ما عجبني صوته وحسيت طريقة كلامه تضحك وكان صوت داخلي يقول وانا اسكته واقول لا تكونين دقيقة بزيادة خلاص ياخي وبعد ما راح جاتني نوبة بكا وما ادري ليه ومن يومها وانا فرحانة يومين وخايفة ومتضايقة اسبوع وكل ما اشوف اهله او يتكلمون عنهم احس لا ما ابي اكون هناك. مدري احس ما الي احط امي وابوي بموقف محرج بس بنفس الوقت الرجال لسا ما كمل دراسته ولسا ما قرر وين بيروح اهتماماته جميلة لكن تحسسني بعدم الامان هذا غير اني ما انسجمت مع اهله مع انهم ناس طيبين الى ابعد درجة. حاولت اقنع نفسي كم مرة وحاااااسة بتردد رهيييييب خايفة احط اهلي بموقف محرج خصوصاً انهم ما يستحملون هالشي واحيانا افكر بخوف اني ما الاقي بالمواصفات اللي فبالي لأنه هو فيه شوي من اللي فبالي بس احس اني اتفشل منه مدري ليه واحيانا احس عادي والله مدري شعوري كله يتلخبط وما ادري وش القرار الصح اخاف اسمع صوتي الداخلي واتورط واخاف امشي نفسي واتورط اكثر احتاج مساعدتكم