يأخذون نصف راتب زوجي مقابل لاشيء...أهذا عدل؟

السلام عليكم ورحمة الله وبركاته انا عندي مشكله ومش عارفه معي حق او لا انا بنت ست متزوجه عمري 29 سنه وعندي ولد ... الحمدلله زوجي انسان كويس ومحترم وفي كل الصفات الحلوة ... وأهله كمان ناس طيبين وانا بحبهم عنجد من كل قلبي ... لكن عندي مشكله اللي هي أنه في نظام عند دار عمي وهو أنهم كل اخر شهر بجمعة رواتبهم كلهم وبيعطوها لسلفي الكبير عشان يعمرلهم ويزوجهم .... وهلا متزوجين خمسه بما فيهم زوجي ... لكن اللي مضايقني أنه ما في عدل .... يعني في من سلافي ما بيدفعو اشي من راتبهم بالمرة ... وفي بيدفع مبلغ بسيط من الراتب وفي بيدفع نص الراتب متل زوجي مع العلم أنه زوجي هو الوحيد اللي بيدفع نص الراتب ... وزوجي الوحيد اللي قاعد ببيت مش ملك يعني مستاجرين ... أما سلفي الكبير قاعد ببيت ملك اله والتاني اشتروله بيت قبل ما يتزوج ... والتالت والرابع بنولهم كل واحد بيت ... الا زوجي وما بعرف ليش المشكله أنه في واحد من سلافي المتزوجين وقع بمشكله كبيرة ... اضطروا أنهم يدفعوا كل الفلوس اللي مجمعينها عشان يطلعوه من المشكله مع العلم أنه ما بيدفع من راتبه قرش لانه اصلا راتبه محجوز من ورا الديون وتصرفاته العشوائيه ... وهلا كمان بيصرفوا عليه وعلى أولاده على حساب الباقي انا مش زعلانه أنهم بيساعدوا بعض ... بس اللي مضايقني أنه دائما عندي احساس أنه زوجي مظلوم ... بتعب وبشتغل وما في اشي حتى هلا من جديد زوجي صار يشتغل شغل تاني عشان يقدر يصرف ع البيت والأولاد والأجرة ووووو ... مع أنه بإمكانه أنه ما يشتغل وراتبه بيكفيه وزياده .... ولو تركو كل واحد راتبه اله كان ع الأقل هلا قاعدين ببيت ملك حتى زوجي نتحمل مسؤولية كل شي اي حدا بدو اشي بيطلبوه من زوجي لانه بيشتغل شغل تاني ومدير حاله مش عارفه اذا معي حق بس انا بعز علي اني اشوف سلافي اللي عاملين مشاكل وما ساهموا باي شي ، قاعدين ببيت ملك الهم ومصروفهم جاي لعندهم ... وانا زوجي بتعب وبيربط الليل مع النهار عشان يشتغل ويضل ملتزم معهم بنص الراتب ، وقاعدين ببيت مستأجر مش عارفه شو احكي بس انا مقهورة كتير وحاسه أنه ما في عدل امانه ريحوني