أخاف أن أتزوج من شخص يأسر حياتي وأكون فيها المسجونة

السلام عليكم اشكركم كثيرا علي حل مشاكلي فكنتم الصديق الذي الجاء اليه انا فتاه عمري 25 عام متعلمه حاصله علي شهاده جامعيه واتخطبت منذ 10شهور لشخص يكبرني ب6 سنوات وحاصل علي دبلوم لم يدخل الجامعه ولكن انا مكنش فارق معايا فارق التعليم او الحاله الماديه وهو جواز تقليدي وابي يحبه كثيرا وانه الزوج المثالي وكان في اول علاقتنا شخص طيب حنون يحبني ولكن حدث بعض الخلافات بين اهلنا ومن بعدها تغير واصبح شخص اخر واصبحت اشعر انه لايحترم كلام اهلي ولا يعمل لقرارتهم اعتبار ولكن كنت اقول عادي خصوصا ان ده مكنش بيبان الا في وقت العصبيه لما بنتخانق سوي وبعدها يرجع يقولي انا اسف وهكذا ومن ضمن الكلام انا مش فارق معايا راي اهلك اصلا انا مبخفش من حد ولما راح يشتري الجهاز ما اخدنيش واخد امه واخته وبعدها قالي انا اشتريت العفش بس لو حاجه معجبتكيش نغيرها قولتله طيب لو اهلي عرفو قالي انا يهمني رايك مليش دعوه باهلك وتتابعت الخلافات بيني وبينه وكنت بسامحه بس دلوقتي مش قادره وكمان بابا عارف انه مبيعملش زي اي عريس والواجبات المفروضه عليه مش بيعملها ومع ذلك بيسامحه ويقول عادي الظروف مش سامحه والجديد انه عايز يغير حاجه في الاتفاق ويقلل من المبلغ المتفق عليه في المؤخر وكانه يتوقع الشر و في يوم قالي بكل عصبيه انتي هتروحي تخدمي امي من اول النهار ومش هنرجع البيت الا علي النوم وبعدها قالي انا كنت بختبرك وبشوف هتقولي ايه وهو كمان شكاك جدا ويتوقع الشئ السئ وبحس انه بخيل تحت شعار ظروفي لا تسمح كنت اسامحه لكن الان لا اطيق وفاضل شهر واتزوج وانا لا اريد ان اعيش حيا تعيسه مثل امي حيث اني مريت بطفوله انا واخي صعبه بسبب ابي وقراراته الخاطئه وحبه لاخوته واسلوبه الغليظ اسفه اني اطلت الحديث عليكم