أخي ضربني بوحشية لأنه سمعني أشتم، كيف أتصرف ولمن أشكي؟

راح اشتكي على اخواني لضربهم لي انا بنت عمري 14 يتيمه وعندي 3 اخوان كلهم كبار ، صارت مشكله امس وجا اصغر واحد ( يمكن 20 او حولها) وضربني كف اقسم بالله راسي صدع لساني انجرح عشان سمعني اسب ، رحت اشتكيت امي وجا سمعني اشتكي وضربني زياده واخد جوالي رماه على الجدار بققووه انكسر والجوال شبه جديد راح نادا الاوسط وهو اصلا حاقد من فتره تقريبا اسبوعين وجسمو ضخم حسبي الله عليه وضربني زياده وامي تطالع!! اختي الكبيره واقفه تصرخ عليهم توقفهم وكانوا بيضربوها هي كمان والاوسط يضربني طحت ورا الكنب وكمل ضرب ضرب وشدني من شعري وقفني وضربني على ظهري ضربه حسيت جاني انزلاق وربي من قوه شد الشعر راسي انفخ ! جا اخوي الثالث على اصواتنا وماسوا شي قال هاتي جوالك بسرعه ( مايدري عن شي ) وشغالتنا تبكي ودها تساعدني ودخلوني الغرفه واختي معاي تهديني اقولها اقفلي الباب وانا ابكي تقول ان كان رجال يجي يعتب الغرفه ! هما 3 رجال وانا بعشره وصارت مشاكل كثييررر نفسيتي تعبت اقسم بالله وجا راس المشكله الي ضربني كف جا يحضني يقول خلاص اسف اديني جوال اصلحو !!! طيب خد ظهري صلحو خذ يدي الي انكسرت خذ نفسيتي مره وحده! انا واختي صرنا نبكي سوا ( اختي بحدود 25) وصارت تقول لي جيبي نسبه عدله في الثانوي ونروح نهرب سوا قالت كلام كثييييررر بي وعدتني انو لو جاتني بعثه نهرب سوا والولايه قريب راح تسقط اصلا بس قلبي مابرد وغبت ثاني يوم عن المدرسه من الألم وجا اخوي الأوسط يدق الباب بكل قوه صحانا مفجوعين وكان بيضربني لمن عرف اني مارحت المدرسه زعق في وجهي قولي لي كم تبغي اجازه عشان احدد قوه الضرب المره الجايه ! اقسم بالله قلبي انحرق يا جماعه صرت ابكي واصرخ وهو يستقوي علي ! خلاص ابغى اشتكي عليه هو مو ولي امري اكبر واحد ولي امري يعني ما اقدر مستحيل يوافق نشتكي لاتقولوا اجلسي تكلمي معاهم ابغى اشتكي قانونيًا خلاص تعبت اقسم بالله شخصيتي اصلا ضعيفه بسبب اهلي وهم زادوها في حرقه بقلبي ماتتخيلوها يعني المفروض هم يكونوا احن ناس علي بعد ابوي الله يرحمه وشوفوا ايش يسوو ! ايش عقوباتهم او ايش الحلول الي تحل المشكله قانونيًا ولمين اشتكي ؟