خطيبي غامض ويتحجج دائماً بأنه مشغول

انا مخطوبة من سبع شهور خطيبى دايما بيقولى انا مشغول فى الشغل لانه بيشتغل من الساعة ١١ الظهر للساعة ١٢ بالليل بس بياخد بريك كذا مرة ممكن يكلمنى فى اليوم مرة واحدة مثلا المكالمة لو طولت بتبقا عشر دقايق هو من النوع الغامض انا بحاول اتقرب منه وببعتله رسايل وكدة لما بقوله ايه رايك بيقولى كل حاجة منك حلوة وممكن لو عدا يوم من غير ما يكلمنى عادى بالنسباله متفرقش ساعات بكون مخنوقة مرة بعتله رسالة انى مخنوقة خالص وكدة وبعتله رسالة تانيه بعديها اسفة انى ازعجتك بس انا لانى حسيت انك اقرب حد ليا اقله احساسى فبعتلك الرسالة المفروض يرن يطمن على حتى بعد ما يخلص شغل لا كلمنى ولاسال غير تانى يوم العصر سعتها قولتله المفروض كان كلمتنى فى نفس اليوم وكدة اشتغل يقول الشغل ومش الشغل وكل ما اتكلم فى اى موضوع يتحجج بالشغل اسفة طولت عليكم عايزة حل انى ابقا حاجة اساسية فى يومه وانه يتكلم معايا لما يكون فاضى وانه يكلمنى عن مشاعره لانه مش بيتكلم معايا فى حاجة وياريت لو انا غلطانة فى اى تصرف من الكلام اللى فوق تقولولى