هل تصدقوا بان اقرب الناس لي لم يحضروا زفافي بحجة....!

مرحبا اصدقاء حلوها. انا مغتربة من خمس سنين من كام شهر رجعت اجازة لحتى اتزوج و احضر عرس اخي الصغير انا زوجي اجنبي و انضغطنا كثير في الوقت مشان اوراق و معاملات الزواج و اهلي كانو ملتهيين بتحضيرات عرس اخي فمعظم الناس قلنالهم قبل كام يوم من العرس و اتفاجأت انه ماحدا من عيلة امي الكبيرة اجا واللي تحجج انه سيارته خربانة كأنه مافي مواصلات بالبلد و اللي تحجج انه زعلان لانه ماخبرناه من زمان و اللي زعلان لانه ما رحت زرته لما رجعت من السفر على اساس فاضية انا و التاني قال زعلان لانه مارحنا على عرس بنته مع انه كان بنفس يوم عرس اخي و كل مين حابب يعمل مشكلة سواها بهذيك الفترة من مرت اخي الكبير اللي تخانقت مع امي و اختي من زوجها اللي صف معها و حضر العرس مثل الغريب من زوج اختي الكبيرة و اخته اللي عملت خناقة مع خالتي ولا زوج اختي الصغيرة اللي استلف مني فلوس وللحين مارجعها ولا اخي الكبير اللي طلع من البيت يوم كنت مسافرة حتى ما يسلم علي.زوجي انصدم طبعا لانه كان راسملهم بباله صوره مختلفة كثير. كل تحضيرات عرسنا سويناها لحالنا انا و زوجي و ماكنا محتاجين مساعدة مادية والحمد لله كنت محتاجة احس انه عندي عيلة واقفة جنبي خصوصا انه اهل زوجي ماقدروا يحضروا الفرح بس عيلتي خذلتني و كلما فكرت اعتب على حد الاقي في مين اقرب منه و خذلني حسيت بخيبة امل فظيعة و اسعد ايام بحياتي كانت مليانة بطعم المرارة و اللي زاد الطين بلة اني عرفت من كام يوم انه في ناس ماحضرت فرحي لانهم اتصلوا على مرت اخي و قالت لهم لاتجوا ما في احتفال مع اني ما اذيتها بشي وكانت تعرف قديش كنت حابتهم يجوا و من ساعتها و قلبي اتملا حقد وكره و غضب مع اني ما كنت اكره حدا وما اذيت حدا ومش قادرة اتجاوز هالمشاعر السلبية و كل ما بقيت لحالي تنعاد السيناريوهات بذاكرتي و انقم عليهم اكثر و الوم حالي لاني ما اذيتهم وكنت مأدبة مع الكل و ماجرحت حدا بكلمة و انا اكتب الحين ركبني مية عفريت لاني تذكرت فصولهم الناقصة و يخطر على بالي اني ماعاد احكي معهم ابدا و بنفس الوقت انا بخاف من ربي بخصوص صلة الرحم بس مش قادرة اتجاوز الموضوع و زوجي كمان ما عاد بده يعرفهم مع انه كان متحمس يكون واحد منهم شو اعمل لاتخلص من هالحقد؟