خائفة ان يتركني عندما يعلم بأني كنت مخطوبة (1)

انا دكتورة مصرية عندى ٢٧ سنه حياتى كلها شغل ودراسة كان اهم حاجة ان احقق حلمى وفعلا حققته وبقيت دكتوة ليا اسم اسمى لوحدة لو اتذكر فى مكان بيبقى ليه هيبه اهتميت بحلمى ومستقبلى ونسيت نفسى عندى اخت اكبر منى واخ اصغر منى هو فى ٢ ثانوى عام والدتى كانت هتموت بسبب رفضى للعرسان وللارتباط وفضلت تزن على والدى وتقولة البنت كبرت ودخلت على ٣٠ و ... و... لغاية ما فيه عريس اتقدم وامى كانت منبهرة بيه لانه متدين ومحترم وللاسف داه اللي كان ظاهر اتخطبت غصب عنى عشان ارضى امى خطوبة لمدة ٣شهور ونص وكانوا اسواء ايام فى حياتى كلها حاولت احبه معرفتش انسان فيه كل العيوب بيمشى الحياه بمزاجه اقرب مثال جوز اختى كنت بسلم عليه بالايد عادى لقيته يقولى حرام وكلام كبير فى الوقت نفسه انه كان قبلها بيوم خلانا خارجين وحاول يلمسى صدرى وانا كنت راكبه جمبة فى العربية وبيقولى الباب مش مقفول وقرب بعدت ونزلت بسرعه وهو اتصرف اكن مفيش حاجة بيفضل يحرم كل حاجة فرح اختى كان فى شهر ١٠ فضل بقولى مترقصيش حرام و..و...و.. سمعت كلامه وكنت واقفه طول الفرح مبعملش حاجة خااالص اخويا الصغير جيه فى رقصه سلو ورقصت معاه وشلانى طبعا بقى بعد ما روحنا تهزيق تهزيق تهزيق يقولى ما انتى لو لقيتى اللي يربيكى بتترقصى عشان الرجالة تتلم حوليكى كنت مصدومه وقولتله انا معملتش حاجة قالى مهو اللي زيك وزى اهلك ميعرفوش الحرام تجازوت الموقف داه عشان امى كنت كل ما احكلها هو بيعمل معايا ايه تجيب عليا الغلط مع ان مبكونش غلطانه هى بتعمل كدا عشان كبرت وخايفه ان متجوزش وموقف تانى اول زيارة لاختى بعد جوزاها كانت جايبة هدايا من ضمنهم بيجامه ليا وبيرفوم وكان خطيبى عندى بتدهالى وبتقولى هديتك اهى انا اللي جيباها جوزها رد وانا دفعت الفلوس وهى اختارت يبقى انا مساهم على فكرة ضحكنا لقيت خطيبى بيقولى وهو يدفع الفلوس ليه ولا انتوا عيلة مفكوش راجل عيلة مادية حقيره للعلم انا من اسرة ميسورة جدا جدا جدا الحمد لله لغاية ما سيبته وامى انهارت تقولى بيحبك وبيغير عليكى بس انا كنت تعبت انا معرفتش اى حد من شغلى ان مخطوبة نهائى لغاية ما فيه دكتور حصل بنا اعجاب وكنا خارجين سوا وكان معانا دكاترة وشوفت خطيبى السابق وهنا بقى كانت الصاعقه جيه البيت لينا ويغلط ويشتم وحاجة قرف انا كنت سيباه قبلها بفترة وعرفت والدى بموضوع الدكتور بابا قالى رجعى علاقتك بيه سطحية تانى قدام مطلبش حاجة رسمى والدكتور كلمنى فاتحنى قالى انا عايز اقابل اهلك واجيب اهلى وعايزين كل حاجة تبقى راسمى هو كان خاطب من كام سنه ولما سألته سيبت خطيبتك ليه قالى كانت بتكدب عليا كتير ولو العلاقه من الاول فيها كدب حتى لو بسيطه يبقى عمرها ما هتمشى صح خوفت بصراحه من موضوع ان معرفتوش ان كنت مخطوبة بقوله لو انا كدبت ممكن تسيبنى قالى انتى مختلفه انا حبيتك بجد اهله هيجوا البيت يوم رأس السنه وهنقرأ فتحه انا بقيت مرعوبة لان خطيبى السابق كل شوية يبعت فى سايل مرة يعتذر ويقولى بحبك ومرة يشتم ويقولى كلام زبالة الدكتور بيحبنى جدا وانا حبيته اوى اوى بصراحه ولاول مرة فى حياتى اخاف على حاجة ان اخسرها وانا بقيت بترعب انه يبعد عنى لاول مرة فى حياتى احب حد كدا والاقى انسان يحبنى بالطريقة دى ويدعمنى فى حياتى كلها عمره ما قلل منى حتى قبل ما نرتبط كان دايما يفضل يشجعنى ويوقف جمبى فى كل حاجة هو انسان قمة فى الادب والاخلاق والشهامه مفيش حد مبيحبوش فى الشغل حتى علاقته باخواته البنات اصدقاء جدا قريبين من بعض لدرجة مش طبيعيه هو بصراحه شخص يستاهل كل خير