هل تصدقوا بأن ظلم أهل زوجي وصل لسجني أنا وزوجي....!

معلش هو موضوع طويل شويه انا متزوجه من ٢١ سنه معايا اربع اولاد ابنى الكبير حاليا فى كليه وحافظ القرآن وصوته جميل جوزى طيب جدا جدا وبيحبنى جدا بس للأسف هو ضعيف الشخصيه من يوم ماتجوزنا فى بيت العيله وهما متحكمين فينا كله أوامر وحماتى دايما كانت بتغير منى وتعاملنى معامله وحشه لانى جميله جد ا وحمايا من النوع البصباص فالحمد لله ماقعدناش معاهم حوالى سنه وطرد نا من البيت وسكنت بره ٤ سنين وبعدين رجعونا بس مش فى شقتنا كان ليهم بيت بيحطوا فيه الطيور رجعونا فيه لوحدنا الحمد لله جه فرصه لجوزى يسافر بره كانوا واقفينله فيها بعت دهبى وسافر قعد سنه ونص ولما قرب ينزل جاتلى حماتى وقالتلى عايزين نرجع مع بعض تانى بس انتى فى بيتك واحنا فى بيتنا بس تيجى تخدمينا وناكل سوا وتنامى فى بيتك انتى وولادك اللى هو بيت الطيور للامانه أهلى وجوزى كانوا رافضين بس انا اللى غبيه ضحكت عليا رجعت معاهم ويوم ماجوزى جه طبعا مجبر يروح عندهم عشان احنا هناك وفتح الشنط ووزع كل حاجه عليهم وعلينا المهم واخدو الفلوس منه وقالو لو عندنا حتة أرض فاضيه هنبنى لك وفعلا تم البناء قلنا ابن ا لينا بيت بعمدان يتحمل قالو لا زي بيتنا القديم بنى عادى من غير عمدان زى بيت اخوك هو مالوش غير اخ واحد وأربع بنات بس هما بيفضلو ا اخوه شويه لأنه سافل ولسانه طويل عليهم وعلى اخوه مع ان فرق السن بينه وبين جوزى ١٥ سنه المهم رحنا نجيب عدادات الميه والكهرباء لقينا الموظف بيقول لازم عقد إيجار من الحاجه لأن البيت مكتوب باسمها بيع وشراء طبعا جوزى اتحسر وواجهم مانكروش ابوه قاله لو فتحت بوقك مالكش حاجه عندى مع العلم انى جبت ميراثى من والدى رحمة الله عليه وكملت بنى البيت ٤ ادوارو طبعا اخوه بقى محامى واتجوز وخلف وطلق ولما طلق أستلمونا عايزين عروسه الولد مطلق من خمس سنين وماحدش راضى عشان طلق مراته بفضايح وظلمها وحرمها من ابنها وزور وصولات امانه المهم أطلقت بعد ماسودوا عيشتها وربنا كرمها واتجوزت وعايشه فى السعوديه المهم من زنهم جوزى كلم واحد صحبه بعد كل اللى عملوه فينا وشاف لهم عروسه مناسبه وافقت بظروفهم من ساعة ماخطبنالهم المعامله اتغيرت بدأوا يبعدوا تانى والكل يقول لينا انتوا غلطانين اللى عبرتوهم وجوزتوه وجوزى يقول أهلى هاعمل ايه وحتى الفرح ماحضرناهوش طمعوا ع كل حاجه هما وبناتهم المشكله مش كده كمان كرهوا فينا الست اللى مفروض أن احنا اللى جوزناها لابنهم والعلاقه اتقطعت تماما لحد ماحصل مشكله فى أرضهم فاتصلو الحق ابوك بيضرب فى الأرض عشان أرض زراعية راح جوزى يجرى يحوش عن ابوه ضربوه بالمطواه فى ذراعه جابوله قطع فى الوتر والطب الشرعى طلع له عجز ١٥ % ومحاضر وقواضى وعيلة الخصم حطوا أسمى فى القضيه بما انى مراته وانا كنت حامل فى التاسع واتحبست فى المركز ٢٠ يوم انا وابنى الرضيع وجوزى اتحبس ومحامينا اللى هو اخوه ماعملش لينا اى حاجه والمشكله انه اتصرف لنفسه واحنا سبنا اتحبسنا واتبهدلنا والمشكله كانت معاهم والأرض دى أيرادها كله ع المحامى واخواته البنات اقسم بالله العظيم عندى ٤عيال مابيدونا منها حاجه ودا كله عشان جوزى طيب جدا ومابيحبش يزعلهم عكس ابنهم التانى اللى ساعات كان بيضربنم وربنا وحاجات كتير ممكن اكون نسيتها الناس دى اذتنا كتير وخدو عرقه وفلوسى ميراثى من ابويا. شقانا اللى هو البيت اللى حيلتنا ولا عارفين نمشى ونسيب البيت ولا عارفين نثبت أن البيت بتاعنا ظلمه ظلمه اقسم بالله العظيم وهما كمان بيقدمو ا فى الحج من عشر سنين وربنا مش قابلهم من ظلمهم لينا خدوا شقى عمرنا وابنهم عاينهم عالظلم عشان محامى وقت المشكله يقولو لجوزى الحقنا وبعد كده مش عايزين يشوفونه والله والله والله كل ده حصل وكل ده عشان جوزى طيب وعارف ربنا بس هو كان شغال صنايعى بدراعه ومن ساعة العجز ماعدش بيقدر يشتغل زى الأول وهما السبب فى ده فبقاله ٣ شهور ماراحش هناك هل هو كده هيتحسب عند ربنا انه قاطع رحمه اسفه للاطاله والله اختصرت الأحداث كمان وشكرا