والدي قاطعني بسبب غلطة واحدة

والدى مقاطعنى بسبب غلطة واحده دى اكبر غلطه غلطتها طول حياتى انا البنت الكبيرة والوحيدة عندى اخ اصغر فى طب والاخ التانى فى ثانوية عامه وانا مهندسة والدى دكتور مخ واعصاب دكتور كبير فى مصر وبيجيلوا ناس من خارج مصر يتعالجوا عنده والدى وعائلتى معروفين بالاحترام والاخلاق الكريمه والفاضله والدى عنده صديق بيكون دكتور اصدقاء من ايام الجامعه ومازلوا للحظة دى اصدقاء مقربين جدا من ٥ سنين كدا كلمت واحد هو بيكون ابن صديق بابا انا علاقتى بوالدة قوية وبنتقابل كتير اما ابنه عمرى ما شوفته لغاية ما بعتلى طلب صداقة و تعارفنا فضلنا سنتين بنتكلم كاصدقاء فقط خلال الفترة دى شخصيته معجبتنيش نهائى مش دى الشخصيه اللي اعتبره صديق او اخ فى يوم من الايام وبعدين علاقتنا اتقطعت سنه ونص كدا او اقل حاجة بسيطه كانت علاقتنا بس اعمل لايك على بوست او صورة ليه مش اكتر وبعدين هو دخل كلمنى كنت مستغربة وهو بردة كان مستغرب وقالى حسيت عايز اكلمك واطمن عليكى كان الفترة دى صديقة المقرب متوفى وكانت نفسيته وحشه وفضل فترة معتزل مواقع التواصل الاجتماعى واول ما رجع كلمنى بصراحه لقيت شخصيته متغيرة تغير جذرى حبينا بعض وارتبطنا بدون علم حد واتقابلنا ٣ مرات بس فى اماكن عامه اول مرة بعد ما اعترفنا بحبنا والمره التانيه عشان كان مسافر وعايز يشوفنى واخر مرة عشان كنا بنتفق ان نخلى موضوع ارتباطنا اكنه صدفه واتفقنا انه يجى مع والده لبابا وهناك يشوفنى ويعجب بيا ويتقدم بس ابن عمى شافنى يوميها وراح حكى لبابا وهو كان يعرف ابن صاحب بابا اصلا بابا اتخانق معايا خناقة كبيرة كان مكسور من اللي عملته وقالى انتى حطيتى راسى فى الارض ويوميها والدى تعب وانحجز فى المستشفى بسبب الضغط انا معرفش ابن عمى قال ايه لبابا بس والدى بقالوا ٤ شهور مبيكلمنيش غير فين وفين ممكن نقعد بالايام مبيندهش عليا اصلا للعلم انا و والدى كنا قريبين من بعض اوى حبيبى راح كلم والده وعرفه بكل حاجة وقاله اننا عايزين نتخطب صاحب بابا راح ليه وقالوا هما عيال طيش شباب سامحهم روحت كلمت بابا و قولتله فلان عايز يتقدم نظرته ليا كانت كفيله انها توريلى نتيجة غلطتى وكسرة والدى وقالى انت جاية بتاخدى رأى ولا بتعرفينى قولتله انا مقدرش اعمل حاجة من غير اذن حضرتك مشى وسابنى ومفتحش معايا كلام انا عارفه ان غلطانه انا بموت من القهر ان كسرت ابويا فى يوم من الايام انا روحت كلمت حبيبى وقولتله نأجل دلوقتى عشان الظروف وهو صابر معايا ومستحمل وراح لوالدى واعتذر ليه والدى قالوا وانا ازعل منك ليه العيب على بنتى يا جماعه انا بقالى ٤ شهور علاقتى بوالدى مش كويسه خالص انا مش عايزاه يزعل منى العمر معدش فيه حاجة عشان كدا انا غلطت بس غصب عنى حبيته انا ليا زمايل ولاد والدى سامح بكدا بس علاقتنا بحدود جدا