كيف أطفيء النار التي أشعلها أخي مع خطيبي؟

قبل ما احكى مشكلتى انا معترفه ان غلطانه . انا اتعرفت على شاب عن طريق الصدفة اتقابلنا مرتين صدفة واحنا كنا فى شرم اول سنه كان كلامنا بسيط وهو كان أوضته جمب اوضتى فى الفندق السنه التانيه بردة اتصادفنا واتقابلنا وكان اوضنا جمب بعض هنا اتعرفنا وضيفنا بعض على الفيس الكلام داه من ٩ سنين وحبينا بعض واتخطبنا بعد حب ٩ سنين وبقالنا اهو سنتين مخطوبين وحصل بنا خناقة كبيرة اوى لا داعى لذكر تفاصيل عنها سيبنا بعض ٣ شهور ومحدش فينا عرف اهله اننا سيبنا بعض ودى كانت اول مرة نسيب بعض فى خلال السنين دى كلها وانا كنت بعرفه اخبارى عن طريق استوريهات على الواتس وبعمل استثناء لكل اللي عندى الا هو عشان يعرف اخبارى وهو بردة كان بيعمل كدا بس مكنش فاضح نفسه زيي انا كانت تصرفاتى بتبين ان انا بحاول اوصله اخبارى وبعدين جيه عيد الحب ومكلمنيش حتى وامى لاحظت قولتلها عادى خناقة بسيطه يا ماما وساعتها كنت اقتنعت ان علاقتنا فعلا انتهت بعدها بخمس ايام لقيته بيكلمنى وانا بره كنت مع صحابى البنات فى مطعم وهما روحوا وانا انتظرت اخويا يجى ياخودنى وكلمنى خطيبى وقالى انا قربت من بيتك انزليلى قولتله انا برة وعرفته مكانى قالى دقايق وتخرجيلى وفعلا خرجتله واول ما شوفته عيطت وهو خدنى فى حضنه من غير ما كنا اتكلمنا حرف واحد وقالى انا اسف سامحينى وفضل واخدنى فى حضنه وباسنى من راسى وقالى متزعليش منى ولان قصيرة عنه بكتير انا ١٥٦ وهو ١٧٩ لما حضنى كان يعتبر رافعنى عن الارض يعنى شايلنى اخويا شافنى وعمل مشكله كبيرة وكان هيضربنى بس خطيبى هداه وبعدين هو اتخانق مع خطيبى وساحب منى دلوقتى موبايلى وكل حاجة تخلينى اوصل لخطيبى انا دلوقتى ببعت المشكله واخويا بره البيت راح يصلى الجمعه وبيخرج بعدها مع صحابه انا خطيبى ملازم اول واخويا رائد خطيبى راح يبارك لاخويا على حاجة فى الشغل على منشور على الفيس اخويا تجاهله تجاهل تام لدرجة ان صحاب اخويا فضلوا يهزروا ويقولوا انت سايب ابو نسب مبتردش عليه هما ميعرفوش حاجة وهما ميقصدوش حاجة بيهزروا عادى مع خطيبى واخويا لانهم صحاب لغاية ما اخويا حس بإحراج وحذف تعليقه انا عارفه ان اخويا عصببته وحشه اوى بس مفيش اطيب من قلبه انا عايزة اكلم خطيبى اخليه يجى لاخويا وانا هصالحهم ببعض ولا كدا اكون بضغط على خطيبى زيادة عن اللازم