هل تقبل أن اعيش بالريف مع خطيبي وأنسى عيشة المدينة؟

السلام عليكم انا انسة33سنة مخطوبة وقد تم الاتفاق عند الخطبة على أن خطيبى ياخذ شقة ايجار فى المدينة لانة تابع لقرية فى المدينة التى اعيش بها وبعد ما دورنا على شقة ايجار مناسبة لنا وبدانا فى اخذ خطوات جدية لفرشها فى يوم من الايام وكان قبلها كنا مختلفين وبينا مشاكل لقيتة بيتصل عليا فى اليوم دة وبيقولى انا اخويا عمل تفتيت حصوة بالمنظار والفلوس اللى كنت عاملها الجواز خلصت قلتلة يعنى اية الكلام دة ممكن نتفاهم ولو فية ظروف مادية جدت نجيب حاجة ااقل وقفلنا التليفون لقيتة باعت لى رسالة بيقولى انا لغيت عقد الشقة فطبعا انا مردتش ابين اى رد فعل لحد ما نقعد ونتكلم قعدنا واتكلمنا مقتتعتش بكلامة ولا بالمبررات اللى قالهالى وانة لية اتصرف كدة وكمان عرفت انة بعت لى رسالة يقولى لغيت عقد الشقة وكان لكن كان بيشوف رد فعلى واتكلمنا كتير فى المقابلة دى على أساس انة لغى الشقة فى المدينة وانى اوافق ااقعد معاة فى القرية لكنى مش عايزة ااقعد فى القرية ومبحبش عيشة الأرياف ولا عمرى عشتها وهو متاكد من كدة تماما وفى نهاية المقابلة قلتلة مش مقدر اجى معاك فى الريف وانتهى الحوار بينا على كدة قعد يبعتلى على الواتس فكرى ودى ظروفى ووضعى لكنى مش مقتنعة حاساة كداب لانة من البداية مكنش عايز يقعد فى المدينة وبيحب عيشة الريف وقعدنا اسبوعين منتكلمش ولا رسائل لقيتة باعتلى فيديو الشقة بعد ماتوضبت لأنها كانت على الطوب قلتلة باى منطق معكش فلوس ولغيت الشقة الايجار اللى فى المدينة عشان فلوس رايحة على الأرض وممعكش فلوس وفى نفس الوقت وضبت بيتك فى اسبوعين انا حاساة شارى ومتمسك بيا لاقصى درجة لكنى مش متقبلة الوضع اللى حطنى فية وحاسة انى بيلوى دراعى خصوصا أن سنى كبير وكنت مخطوبة قبل كدة وحاسة كل مبرراتة كدب وبالرغم من كدة قلتلة الواحدة مع زوجها فى اى مكان لكن ادينى سبب مقنع لتصرفك دة لكن للاسف مفيش عندة مبررات تدخل دماغى استشرت كل المحيطين بيا قالولى روحى معاة الريف عشان سنك لكنى فى قمة الجرح والحيرة مش متقبلة اللى عملة معايا حتى بقول لنفسي اروح معاة الريف وفترة مؤقتة وارجع المدينة واتفق معاة على كدة لكنى مش مامنالة لانة غدر بالفاتحة اللى قريناها والاتفاقات يبقي بالنسبة لى ملوش كلمة انا دلوقتى فى قمة الحيرة من امرى اوافق زى المحيطين بيا ما بيقولوا عشان سنى ويمكن ربنا يفرجها قدام ولا ارفض واصون كرامتى واللى حطنى فية دا غير عدم ثقتى فية بعد هذا الموقف واللى حواليا بيقولولى ما دام خل بشرط من شروط الاتفاق يبقى ملوش دهب ولا حاجة من اللى جابها خائفة يكون حرام اما ناخد الحاجة مع انى هو اللى غدر وخان الفاتحة بعد سنة احنا اتخطبنا سنة وبعد كدة جة فى الاواخر بعد ما حددنا الفرح لغى الشقة دا لدرجة بيقولى انا مجوعش اعلى عشان اخد شقة ايجار مع العلم أن لية مرتب شعرى ثابت 4000جنية فى الشهر وكل مايقولى الكلام ازهق واضايق طب انا مالى باهلك هما على عينى وراسي لكن ميجيش على حقى انا محتارة اعمل اية محتارة بين ظروفى وسنى وهل اوافق يمكن ربنا يكرم قدام ولا ارفض وااقولة نفذ الاتفاقات اللى قرينا عليها الفاتحة وازاى أقنعة أن يرجع ياخد فى المدينة اسفة على الإطالة لكن حبيت احكى كل التفاصيل وجزاكم الله خيرل