كرهت أخي بعد أن رفض زواجي وأضاع هذه الفرصة علي

السلام عليكم ورحمة الله وبركاته بأدخل في الموضوع على طول تعرفت على شاب في موقع التواصل الإجتماعي مو من نفس جنسيتي بس خليجي اعجبت فيه لأنه منفتح و متفهم و منظم وقته و مثقف ومن بيئة متقبله قيادة المرأة و متقبلة عمل المرأة في مجال مختلط ما عندهم تشدد المهم بعد ما ارتحنا لبعض طلب مني اعطيه رقم امي ، كلمها وامي عصبت و رفضت وقالت اش تبغينا نقول للناس اذا تزوجك وبعدين هو مو في السعودية علشان نسأل عنه وإذا سألنا عنه اكيد الكل راح يمدحه ورفضت وبعد ما ترجيتها وقلت لها انا عمري ٣٠ لمتى اضل اجلس كذا قالت لي اقنعي اخوك واخوي رفض وقال اصلا مستحيل ازوجك من طرف النت اكيد فيه بلا وبعدين ما بخليك في بلد ثاني ويذكر اعذار غريبة عجيبة بعدها بلغته ان اخوي رفض وحاولت مع اخوي مده شهر بس ما قبل كل يوم اما يرفض او يطلع من الغرفة علمته اني فقدت الامل قال لي ارفعي قضية عضل على اخوك قلت ما اقدر اذا رفعت عليه بحزن امي وفعلا كلم امي ثلاث مرات المره الاولى صرفته و المره الثانيه قالت نشوف راي البنت و المره الثالثة تجاهلت مكالمته وبعدها طلب مني طلب عصبني قال بجي وامارس معك علاقة جنسية علشان يزوجونك غصب عنهم انا بعدها عصبت و قلت انا مستحيل اعمل هالعمايل و ارتكب كبائر الذنوب و اسود وجه امي قال اش اسوي اهلك رفضوني وانا قلت له خلاص الي بينا انتهى لأن فعلا كانت علاقتنا بريئة لكن انت تبي تحولها لعلاقة جنسية وبلكته وعندي حاليا مشكلتين المشكلة الاولى اني كل مره احاول ارجع له فعلا اشتقت له وابي اكلمه بس قاعدة اضبط نفسي والي خلاني اضبط نفسي خفت يرجع يطلب هالطلب مره ثانية