رغم جمالي وعلمي إلا أنه لم يتقدم لي أحد لغاية الآن، ما السبب؟

السلام عليكم انا عمري ٢٥ سنه ومشكلتي هي بالعمر مع انه كان عندي طموح واهداف كتيره وكنت زمان ما اكترث للعمر وانا حاليا الحمد لله مكملة دراسات عليا وعندي طموح كبير والله رزقني بالجمال الحمد لله ولكن لهاد الوقت ما اتقدملي الشخص اللي بناسبني عاطفيا ما بدي ارتبط علشان الفلوس او الشهادات هاد الاشي ما بجذبني ابدا كل تركيزي انه يكون في قبول بين الطرفين ومو قادرة اوافق على اي علاقة من طرف واحد بحس حالي بأذي نفسي واكيد رح أذي كمان الطرف الثاني وصايبني قلق وتوتر بسبب العمر وانا واثقه بربنا واختيار الله اكيد احسن وبتقدملي شباب كثير لكن للاسف ما ارتحت لاي واحد منهم وتقرب زملائي بالشغل كتير كتير ولكن مو قادرة اعطي فرصه لاي حدا والله هالعدد مخوفني لانه كأنه قلبي ميت وانا بحب الحب بكل اشي بحياتي واباقل اشي بكون بتعامل بحب مع اي اشي ما بالكم بشريك الحياه وما عندي اي علاقه سابقه لانه مفهوم الحب عندي عظيم وصعب يكون حب حياتي مجرد كلام لاني ما بثق بس بتأثير الكلمه ولكن ضغط الناس والاهل وكل اشي علي مخليني حزينه كتير ومتوتره كتير وهيك فجأة زاد عندي الموضوع مع انه في كتير بنات بعمري واكبر لكن احساس الوحده اكيد مو سهل وتحديدا لما تكون وسط عائلة ما بتقدر ولا بتهتم باي انجاز انت عملته ولا بتهتم بالمشاعر وبحاول اضيع وقت مع اهلي وصاحباتي علشان ما احس اني وحيده بس فعليا انا وحيده بالقلب ومهما ضيعت وقت معهم لانهم مو متلي كل حياتهم غيبه ونميمه ومشاكل وهموم ومركزين في حياة بعض علشان هيك انا ما بنتمي لاي حدا منهم وبحاول اتعرف على صاحبات كتير وانا شخصيتي اجتماعيه والحمد لله الكل بحب يتعامل معي ولكن وحدتي بالقلب ...