لم أجد سبب مقنع حتى يجعله يخون زوجته!!

هو ابن خالتى بس فعليا هو اخويا الكبير مش بقول كدا مجرد كلام لا هو اخويا فعلا مش بس اتربينا سوا لا احنا كنا اصحاب واخوات وكل حاجة لبعض هو اكبر منى بحوالى ٣ سنين معندوش اخوات بنات ليه اخ صغير خالص من سن اخويا الصغير وانا عندى اخوات بس اصغر منى بكتير المهم دلوقتى هو كان عايز يتزوج وراح اتقدم لبنت هى بتقربلنا مامتها وخالتى ولاد خالة يعنى تقربلى انا كمان المهم الحمد لله اتزوجوا وحياتهم رائعه مفيش مشاكل خالص والبنت و انا اتصاحبنا جدا و محستش انها منزعجة بعلاقتى بابن خالتى مع ان كنت متوقعه عكس كدا من شدة علاقتى بيه وهى خلفت بنتين وولد صغير المهم هى كلمتنى قريب وقالتلى ان ابن خالتى متغير جامد قولتلها يمكن بيتهيألك قالتلى انا بحكيلك عشان عارفه انك قريبة منه واكيد حكالك قولتلها صدقينى انا معرفش حاجة ولما كلمت ابن خالتى كان كلامه مش طبيعى وانا بفهمه كويس عرفت انه بيكذب قالى كل الحكاية بخرج مع صحابى للعلم ان زوجى بيكون من اصحاب ابن خالتى وكان حكالى ان ابن خالتى بقالوا فترة مبيخرجش نهائى معاهم ابن خالتى مش بيهتم اوى بالسوشال ميديا روحت فتحت اكونته ولاقيت فيه كلام بينه هو وواحدة البنت دى بتكون بنت عم مراته بقالهم ٣ شهور فى علاقة انا لما عرفت اتصدمت الموضوع داه فيه خراب بيوت اولا البنت دى علاقتها قوية بمراته وشوفت منها رسايل انها بتقولوا انا معجبة بيك من قبل ما تخطب بنت عمى بس نصيب ثانيا مراته مستحيل تتقبل الوضع ومن علاقتى بمراته واثقه مليون فى المية انها هتطلق لو عرفت ثالثا انا مصدومة فيه ازاى داه يكون اخويا اللي اتربيت معاه بعيد عن غضبى منه بس انا عايزة حل فعلى من غير ما مراته تعرف حاجة انا روحت عملت اكونت وهمى وكلمتها من علية وهددتها ان هعرف اهلها وبعتلها صور للمحادثات هى كانت مرعوبة و بعدين ابن خالتى راح غير الرقم السرى لحسابة على ما اظن هى اللي قالتلة كدا انا اديتها مهلة لو ما بعدتش عنه هعرف اهلها وهى بعد ما كانت خايفه دلوقتى بتكلمنى بقلب جامد وبتقولى اعملى اللي عندك ميهمنيش طبعا زوجى عارف كل حاجة بعملها هو ضد اللي بعملة وقالى تصرفك داه لعب عيال كنا نروح نكلمها كناس كبار افضل مليون مرة ولما عرف انها معدتش خايفه اتعصب عليا وقالى داه اللي هى عايزة ان اهلها تعرف عشان تحطة قدام امر واقع انه يتقدم رسمى وهى عارفه ان مراته هتطلب الطلاق فبكدا تكون ضمنت كل حاجة انا عايزة حل فعلى للعلم ابن خالى انسان محترم جدا ويعشق مراته للحظة دى مش لاقيه سبب مقنع للي عمله اكتر من كلمة بحاول اقنع نفسى بيها انه ضعف وانها مجرد نزوة وهيفوق لحياته خايفه ليهدم حياته مع اكتر انسانه تستحقة مع بنت الاصول اللي وقفت جمبة فى كل ظروفة