كنت السبب في وصول خطيبي لهذه المرحلة وعندما تغيرت....!

انا عمري٢٣ سنه مخطوبه عن قصه حب ٨ سنين هوا ٢٥ قدرنا نحب بعض حب كبير ونتخطى مشاكل كبيره وبالاصح بصراحه هوا كان مستحملني كثير بالبدايه لاني كنت شكاكه شك مرضي ونكديه وغيوره لدرجه المرض كان عندي حب التملك وكنت حتى ما ابغاه نظره وحده يطل في بنت او يقعد مع اهلو كثير اسويلو مشكله كل وقتو ابغاه معايا وهوا يمشي ويسكت ورغم انو يتضايق واخليه يحلف بعد كل خرحه انو ماسوا شي يزعلني وهوا كان يسوي كل شي حتى يرضيني ومايزعلني يوافق على طلباتي حتى اخواتو بالرضاعه اقلو مايكلمهم واي شي اقلو حسيبك لدرجه يبكي ويقلي سامحيني وماقدر اعيش بدونك رغم انو ماعمل غلط كبير انا كنت اقلو كذا عشان اخوفو بس واجربو وبصراحه كنت اغط غليه كثير ويستحمل عشاني وماخليه يسافر لين طفح الكيل عندو والحمدلله قبل ماينفصل عني انا صحيت على نفسي واتغيرت وهوا كان دايمن يطلب مني ارحمو واتغير وفعلا قمت من غباءي واتغيرت مره وصار مبسوط انا دحين كل ما افتكر ايش كنت اسوي فيه اكرهني واقول كيف كنت كذا وكيف هوا استحملني منجد انا كنت شخص تاني مو كانو انا المهم بعد فتره احسو اتغير عليا وصار كل ماتصير مشكله احس انو يرجع يفتكر كيف كان مستحملني وانو استحمل كفايه بس هوا اليوم مو مثل قبل مع اني اعتذرت كثير وقلتلو غلطانه و و و . بس احس انو من جواتى لسا شايل وفي مره قالي انتي كسرتي فيا رجولتي طبعا ذا الكلام يطلع منو لما تصير مشاكل لما نكون كويسين يكون كويس بس انا مره متضايقه لان مو نفس الشخص الي قبل اتغير بعد ماتعبتو ابغاه يرجع مثل قبل انا دحين مره كويسه وبطلت كل شي كنت اسويه زمان بس هوا اتغير وانا احسو مانسي الي عملتو فيه لان كل ماتصير مشكله مايستحملني زي اول وحتى اهتمامو قل وبصراحه كلو بسببي يعني اوقات احسو يهتم واوقات احس يفتكر اش كنت اسوي فيه فيتغير عليا مع اني واجهتو واعتذرت بس لما واجهتو احس اني زكرتو وساء الوضع طبعا انا سويت فيه اكثر بس دا المختصر صح اني كويسه وعشنا ايام حلوه مره بس الايام الي عزبتو فيها ماتتنسى رغم قال انو مسامحني بس انا احس من جوتو مهو زي اول وانا احبو مره ومابى اخسرو لان ماحد استحملني قدو ومحد يقدر يستحملني زي ما استحملني ووقف معايا بكل شي انا ابغاه يرجع زي ماكان يهتم فيني ويرجع نفس الشخص الي عرفتو ايش الحل واذا تقولو واجهيه واجهتو واعتذرت وكتبتلو قد ايش انا ندمانه بس الموضوع ساء ورجع افتكر كل شي وكيف كان غبي وماعندو شخصيه وضحى باشياء كثير عشاني ما اقدر اكتب كل شي في اشياء ما تنقال بس فعلا عمل المستحيل عشاني وكثير حذروني انو لو مابطلت الاسلوب دا حينخنق وحيتركني وكنت اقول مستحيل هوا مايقدر يعيش بدوني هوا ماتركني هوا اتغير عليا واكتشفت انو كان ضايف بنات بس حذفهم واعتذر وانا عذرتو لاني كنت السبب اني طفشتو حياتو انا مابقول انو ذحين مايحبني يحبني ويدلعني اوقات بس ابدا موبنفس تعلقي فيه وموزبنفس تعلقو فيا قبل زمان كان يقوم الدنيا لو يزعلني او لو زعلت دحين لا