خطبت بالطريقة التقليدية و بعدها الفروق بيننا ارهقتني !

انا شاب عمري 32 سنه خاطب(كاتب الكتاب) صارلي 7 شهور والنيه انه الزواج كمان 3 شهور، انا اردني وبعمل بالدمام، خطبت بالطريقة التقليدية من فتاه عمرها 25 سنه،كان طلب عمي (ابو خطيبتي)انه بالبدايه قرائه فاتحه فقط علشان نتعرف على بعض اكثر قبل كتب الكتاب، واستمرت فتره قراءة الفاتحه شهر وكنت خلالها مسافر وكان تواصلنا على الموبايل، وبعد ما رجعت من السفر تمت الخطوبه، وجلست بالاردن شهر وبعدين رجعت على الدمام،،،ومن بعد الخطوبه وانا صرت الاحظ تصرفات وكلام ما يعجبني في البنت ما كانت واضحه فتره قرائه الفاتحه او كانت واضحه بنسبه بسيطه جدا وكنت اقول مو مشكله هذه اشياء بسيطه تروح مع الوقت، يعني مثلا: كلامها (لهجتها) ما تعجبني وفي بعض الكلمات (دفشه) والله بس اسمعها منها بعض الكلام يكش بدني، وكنت من باب المزاح اعلق على بعض كلامها علشان تغير من كلامها وكانت تزعل، وكل ما اقول لها عن شيء ما يعجبني تحاول تغيره تزعل وتقول انت مو عاجبك شي فيني، وما في عندها وعي كافي ولا ناضجه فكرياً، ماهي عارفه وحاسه بالمسؤوليه الي راح تترتب عليها، ماخذه الامور كلها بس دلع وحب وغرام،ما كنت اقصر معها بالهدايا ضمن وضعي المادي وارسل لها مصروف وبعد هذا تيجي تقول - والله خطيب صاحبيتي جابلها موبايل جلاكسي اس سي مش عارف شو ،،،، وخطيب صاحبيتي الثانيه جابلها موبايل ،،، واختي لما كانت مخطوبه اهل خطيبها جابولها عقد ذهب هديه ،،، وحسستني بالتقصير وانا كثير تاثرت مع العلم انه مجموع فلوس الهدايا تجيب 3 موبايلات بس انا انخنق من الي ينكر المعروف ,,, طبعا هي ما تخلا من الحسنات وايجابيات.مره قبل شهرين صرحتلي تصريح وقالت: انت لما اجيت اول زيارة ما كنت طايقيتك، وقلت لابوي ما بدي اياه، وحتى ابوي حاول يقنعني و قال صلي استخاره، قلت لابوي ما بدي اياه وما بدي اصلي استخاره ،،، المهم ابوها الي اقنعها اني رجل محترم وهي وثقه بابوها ووافقت،،، طبعا انا زعلت كثير وقلت لها لو كنت بعرف هذا الشي او شعرت فيه كان ما كملت معك، وانا كنت الاحظ تصرفات منك وكنت اقول عادي مو متعوده تحكي مع رجال او مستحيه واكتشفت انها كانت مو طايقيتني من البدايه،،، انا والله كل ما اتذكر اصدقائي عرضوا علي اتزوج اخواتهم لانهم يعرفوني كويس ويمدحوني والكل يشهد باخلاقي وتعاملي والحمد لله وبعدين اخطب وحده ما كانت مقتنعه فيا غير ابوها الي اقنعها اعظ على اصابعي ندم ،طبعا هي ندمت انها صرحت لي بهذا التصريح، وهي حاليا بتحبني كثير ومتعلقه فيا بس ولكن انا يلي بطلت بدي اياها وطلعت من نفسي، طبعا انا لغايه الان مو محسسها انه بطل الي رغبه فيها، والله مو عارف ايش اسوي، صارلنا 6 شهور خاطبين وانا تارك الموضوع للوقت ، وقت العرس ضايل عليه 3 شهور وانا مو متشجع ابداً للزواج منها، مو عارف شو اعمل، هي متعلقه فيا كثير وانا خايف اذا بتركها بظلمها وانا والله خايف من اربي اني اكون ظالم، بس السؤال هل اذا تركتها بكون ظالم ولا لاء ، هل ممكن ربي يعاقبني، واحيانا بقول الخطبه شرعت لمعرفة مدى توافق الخطيبين قبل الزواج،،، طب ايش اعمل؟؟؟؟وانا بعترف انه كمان انا اختياري كان خاطئ وانا بتحمل جزء من الي حصل وبلوم نفسي كثير لانه ما فكرت بالشكل الصحيح كيف اختار شريك حياتي،،، وهي كمان ما كانت واضحه بالبدايه بكثير اشياء،وكل ما اقول اتزوجها وان شاء الله المستقبل يكون افضل، ارجع واقول اخاف ما اتحملها بعد الزواج والانفصال يكون صعب بعدين ,,,, والله اني اتمنى اني ما عرفتها بيوم من الايام..واهلها ناس كثير محترمين بس ولكن ما في انسجام بيني وبينهم وما في سواليف كثير مع الاهل ...مو عارف شو العمل يا جماعه الخير فكروا عني بطلت اقدر افكر،،،، وشكرا الكم