انا شاب عمري 30 سنه يتمتني الحياه و والدي على قيد الحياه

انا شاب عمري 30 سنه يتمتني الحياة وتيتمت رغم ان امي و ابووي عايشين قبل عشرين سنة فعمر العشر سنوات حدث خلاف بين امي وابوي جاء خالي اخذ امي ورفضت تاخذني معها واخذني ابوي ووصلني عند باب جدي اللي هو ابوه قعدت سبع ساعات واقف عند باب البيت بدون رحمة بدون خوف لجسدي الصغير ان يمرض او يبرد من شدة البرد ولا حتى احساس بسيط بدمهم اللي يمشي فيني , لما طلع جدي يصلي الفجر تفاجئ فيني حصلت مشاكل بينه وبين ابوي بسببي وجدي تبرئ منه في شغلة وقدام كل اصحابه كبرت وانا ارتطم بمعوقات الحياة للامانه ما كان عندي القوة اني اتجاوزها صعب جدا انك تحس بالكسر وتعرف انه ما يجبر ولا حتى يلتئم , تخرجت من الجامعة ادارة اعمال بأمتياز مع مرتبة الشرف والصدق اني كنت احط حرتي بالدراسة بعد تخرجي وقبل ما اكمل فرحتي توفى جدي بعدها بشهر او اقل , بحثت عن عمل كثير بس ما حصلت , صديق جدي قطري ذو منصب عالي اصر اني اروح له قطر وبالفعل رحت وبديت من الصفر واشتغلت من سكرتير الى مساعد مدير , اهتم فيني كثير وفضلني ع كثير من عياله وصرت يده اليمين في كل شئ بعدها سافرنا لبنان لصفقة وكان بنفس الفندق رجل اعمال سعودي برضو جاي للصفقة وجاب عائلته تعرفت ع وحدة بالصدفة وطلعت بنته تعلقت فيها كثير وحبيتها وهي برضو حبتني من اول ما شفتها عرفت انها سعودية للبسها للعباية واحتشامها حسيت بكل شئ نحوها حسيت بحبي بأنتمائي رجعت فيني حياة غادرتني من عشرين سنة بنظرة وحدة وبلحظة وحدة , اول مره احس اني قاعد اعيش لشئ , استمريت معها لي 3 سنين وخلاص ابي اتقدم لها لكن ما عندي احد ما عندي اهل شلون اروح وكيف ابدا ما ابي احط نفسي بموقف يجرحني ويحرجني ولا ابيها تنحرج لو بقول لصديق جدي ماراح يقصر معي لكن ما ابي اروح بدون احد من اهلي او حتى من بلدي لي عشرين سنة ما شفت اهلي و خمس سنين ما رحت بلدي اول مره احس اني ضعيف لذا الدرجة او مره احس اني عاجز لذا الدرجة اول مره احس اني اعشقاها لذا الدرجة اول مرة اعرف وش ابغى بس ما اعرف اوصله , اخاف اروح بدونهم وانرد واكسرها واخسرها .