مكالمته اولعت بي نار الغيرة و الانتقام من جديد

من وانا صغيرة حب حياتي هو ابن عمتي وهو كمان كان بيبادلني نفس الشعور لحد ما جايوم وصارحني بحبو وكان عاوز يخطبني ونا وافقت لكن بعد الخطوبة اكتشفت انو عند وش تاني انا مبعرفوش واستمرت خطوبتنا شهر ونص لقيتو بيتصل بيا وعاوز يفسخ الخطوبة ولما سألتو عن السبب مدانيش سبب مقنع قالي انا بحبك وانتي احلي بنت وانا عارف اني مش حلائي زيك ومتأكد اني حندم اني بعت عنك بس مشقادر اكمل ماكي وكدة احسن فلأول احسن بعدين نطلق انا اتصدمت فيه صدمت عمري ومكنتش مصدئة الكلام الي بسمعو اعدت مستنياه 3 سنين علي أمل انو يندم ويرجعلي خصوصا اني معملتلوش حاجة وحشة لكن من غير فايدة والي حرق قلبي اني كنت بسمع من الناس انو امو بتروح اي بيت عندهم بنت علي وش جواز عشان تخطبهالو كانت بتصعب عليا نفسي وبؤول يعني ازاي يسبني انا بنت خالو الي بحبو ويروح يتجوز اي وحدة ....المهم انا اتقدملي واحد تاني واتخطبتلو وفرحنا قرب والحمد لله لقيت فيه كل الموصفات الي بحبها وبئيت بحبو وبموت فيه ونسيت ابن عمتي خالص لكن امبارح بس اتفجئت انو ابن عمتي طلبني علي التلفون عشان يعزمني علي فرحو حسيت انو بيغزني ....انا بفكر اني اتشيك واروح لفرحو عشان اثبتلوا انو ولا فارق معايا واني انا احلي واحسن من البنت الي حيتجوزها بس خيفة خطيبي يزعل مني واصغر في عينو ... وسعات بؤول مش حروح ولا حعبرو .... ارجوكو افيدوني اصل بتصالو بيا ولع نار الانتقام والغيرة من جديد