اخاف ان ابقى فأندم او اتركه فلا اجد غيره

انا مطلقه ولدي بنت عشته ايام صعبه ولكن حمدالله لمن اتطلقت ارتحت وبقيت اربي بنتي واهلي بدوا يساعدوني في ذلك ولحدي م لقيت واحد م متزوج بقينا بنحب بعض بس لمن افكر في المستقبل بحس بانو صعب شديد وم بفرق معاه اي زول حتي اهلو م بفرقوا مع العلم انو امو وابوه متوفين بس اخوانوا متشاكل معاهم بس قلته احتمال ده طبعوا لانو في الجيش واهلي بقولوا انو م مناسب لانو طبائعنا مختلفه كان في التعليم كان في الاسره وانو صعب شديد وبشاكل اي زول وحتي م بفرق معاه شي وخايفين انو يحصل لي الطلاق مره اخري وحتي انا مرات بفكر انو م حاقدر استحمل لانو انا هاديه بطبعي وخايفه اكون متسرعه بقرار زواجي واندم طول حياتي لاني حاولته اغير فيه وانا مخطوبه ومافي اي تغير وخايفه اسيبوا وم القي زول بحبني بدرجه البحبني فيها ومحتاجه مساعدتكم ليا