خطيبي تركني وتزوج لأني صغيرة السن

خطيبي تركني وتزوج لأني صغيرة السن، السنة الماضية شفت شخص وأعجبت فيه في نفس اليوم، ما كنت بعرف إذا متزوج أو خاطب لأنه كان مبين كبير (كان عمري ٢٢ أنا حاليا ٢٣)، عرفت إنه مو مرتبط وعم يدور علي عروسة وكان بتمني يشوفني أو ألفت نظره وأبان اني كبيرة لأن أنا شكلي أصغر من عمري وهو عمره ٣٤، يعني الفرق ما بينا ١٢ سنة

بعد خمس شهور رحت علي نفس المكان وشفته وانجذبت له كمان مرة وعرفت عنه معلومات، وكان كتير إنسان محترم مناسب مع كل شي بحياتي يعني إذا رسمه الإنسان مش هيطلع هيك، شخص يعتبر صديق هالشب وكمان بتعرف أمي حكالها إنه هو شاف بنتك ومتقدم ليها والله أعلم هي الي حكت له عني ولا هو فعلا شافني

كتير فرحت وحسيت إنها رسالة من الله إنه نفس الشخص اللي يلفت نظري كمان يكون في قبول لي عنده مع إني عمري ما كنت أفكر بالارتباط في عمر صغير بس كتير حسيت براحة مو طبيعية لهاد الشخص كإني راجعة بالزمن لورا وإني بعرفه وهو زوجي عمري ما كنت أتمني أخد شخص أكبر مني ولكن فكرت فيها وحكيت يمكن أخد شخص قدي بالعمر وما يكون الزوج الصالح وأنه مش بالعمر وأنا شخص ناضج علي سني وأحتاج شخص عاقل ويقدر قيمتي ويبقي جدي ويفتح بيت حاسس بقيمة الشي

أبوي ما وافق لأن حكا بعدني صغير وعندي دراسة حتي فكرة الخطوبة رفض مع أن في ناس كتير في علاقات صداقة ولكن الإرتباط الحلال مش صح؟ فات أسبوع لا حكينا لصديقة أمي أه أو لا عشان تحكي للعريس، بعد أسبوع هالشب جاب أمه عشان تشوفني و يشوف أهلي بنفس المكان إلي شفته في أول مرة علي أساس تشوفنا من بعيد بس أنا ما كنت موجودة بهاليوم، جيت تاني يوم ولقيته كتير مبسوط وعم يطلع علي وعم يبين ليه إنه شباب ويتحرك كتير عشان يلفت نظري وأهلي كمان يعجبوا فيه

كتير كنت مبسوطة لأن من شخص ما بيعرف شي عني لشخص معجب بفكرة الارتباط بي، وبعدين عدة كمان أسبوع وما عطينا رد واضح لصديقة ماما عشان تحكي له وأنا كنت أقنع والدي وهو كان كتير قاسي علي بالرفض مع إن الشاب صراحة ولا غلطة، وللعلم ما كان ضد العمر

اتقابلنا في نفس المكان اللي بيشتغل فيه وكان أهله كمان موجودين وأهلي لأنه هو مكان عام للتشجيع والألعاب، وبنفس الوقت ماما حكت خلينا نشوف مع أخوي يقابله بس يخلص اليوم إذا هو شاب صالح بدخل أخوي وأخليه يكلم أبوها ولكن هون الصدمة لقيته تحول، وكان بيتجاهلني وما كان يطلع عليّ وما سلم ولا عطا نظرة لخالي مع إنه كان عارف إنه علي أساس يتقابلوا مع بعض ما يخلص وقت المكان ومشي وأخد أهله بس خلص شغل وأرد إلا بعد شهر لما سألته صديقة ماما ليش مشيت حكالها: "ما بدي أظلمها واعلقها بي وحاسس إنها صغيرة علي"

ومن ساعتها وأنا دخلت في حالة تعب وحزن وما كان يروح عن بالي لحظة، بمعني الكلمة كل يوم احكي عليه وعلي أمل إنه يرجع يتقدم ويشوفني مناسبة بعمري، ما عطاني فرصة نحمي يشوف تفكيري عشان يحكي صغيرة طيب ليه من الاول اتقدمت مع انك شايفني حتي إذا صديقة والدي حكالك عني فين عقلك وانت عارف إن هنشوف بعد كل فترة لأن في مناسبات بتجمعنا في نفس المكان لحد ما شفته بعدها بكام شهر وحسيت أنه فرح إنه شافني وأنا حسيت إن في أمل يتقدم لي كمان ويعتذر وبعدها بشهر شفته في مناسبه وكان يتجاهلني وحسيت كانه بيحكيلي إنسي الموضوع ،شفت دبله في ايده بس حكيت استحاله يكون إتجوز كيف في كام شهر وهو ما كان لاقي عروسة وعلي أساس ما بيحب جواز الصالونات

وفعلا شهرين واكتشفت انه أتجوز، وكأن في رستي دخل بقلبي، نفس شعور فقدان شخص قريب عليك، وأنا حاليا ما قادرة أتخطي، إتجوز من شهر وشفته من أسبوع بعد جوازه، ولسه في مشاعر بتجذبني ليه، مش قادرة أوقف حب ليه، عقلي وقلبي ومتفقين عليه، العيب الوحيد إنه طلع مو من نصيبي، اتحرمت اني اقدر اطلع عليه من بعيد عشان ما بينفع بعد ما أتجوز يعني من فتاة معجبه بشخص لفتاة تحب شخص متزوج

أنا كتير حزينة علي الخطة الي شفته فيها، كنت بحسب إني ما راح ألاقي شخص بموصفات أحلامي لكن هو ظهر وربنا ما كتب لي النصيب ولكن قدري أشوفه، بقي عندي عقدة بس أشوف دبلة في أيد رجل او أسره صغيرة معه طفل وأتخيله هو أنا خلاص ما أمل ولازم أتقبل الواقع

اطلب منكم تحليل الموقف وليس النصيحة لأن أعرف جيد أن المفروض انسي وأن ربنا ما بعمل غير الخير وإني بعدني صغيرة ولسه هقابل ناس مناسبين ويمكن تحكولي فرق العمر كبير مع إن أنا كنت عاوزة خطوبة وبعدين زواج إنه ما في شي بإيدي وأنه خلاص أتزوج ولكن الكلام سهل، أنا اشعر كان في حرقان في قلبي والشعور بالحزن وكسرة القلب لأن مش نصيبي

الشي الوحيد الي هو ما بعرفه اني أنا كنت معجبة فيه قبل لا يشوفني وكنت أتمني يتقدم لي هو حاسس اني صغيرة ومبسوطة بعريس ولكن الشهر الماضي اكتشفت إني تعلقت بشخص بدون ما أحكي معاه كل مرة أشوفه من بعيد اكتشف إنه في كتير صفات حلوة خلينا متفقين إنه ما في حد كامل وانا إذا كان عمري ٣٠ او ٣٥ واخده كعريس صالونات كان ساعتها هيكون كتير مناسب لكن عشان عمري صغير بنفكر انو مش مناسب، أرجو تحليل الموقف