يعايرني بسني و كأنه انقذني من العنوسة

انا 28 سنه مهندسه انشغلت في شغلي ورفضت الجواز وبعد كده قررت اتجوز وكان نفسي في زوج صالح نكون اسره تحفظ الدين وتطبقه اتخطبت لمحاسب ومبصتش لكلام الناس انه اقل في التعليم لاني معايا ماجستير وتم تعيني بالجامعه وقلت هختار الدين من اول لقاء فهم شخصيتي وحبي لعمل الخير والدين وعدني بالعمره بدل شهر العسل وعرفني انه بيشارك في اعمال خيريه ومسؤول عن ايتام حمدت ربنا انه بعتلي الشخص اللي كنت بتمناه بس الصراحه كان دايما يقولي انا مش كويس قوي كده المهم اعترفلي انه عرف بنات كتيير قبل كده قلت كويس انه بيعترف وندم جبنا الشبكه وبعديها باسبوع سالته عن مدي علاقاته بالبنات اعترفلي انه غلط مرتين من فعلا طيبتي وخوفي اني اجرحه مسالتش عن التفاصيل وقلت ربنا غفور والتاءب ساعه بيكون اقوي في ايمانه لما يرجع لربه وقلت اساعده علي التوبه بس المشكله كنت لما اقله عايزين نعمل كذا عشان نقرب من ربنا ونستغفر كان يقولي انت ليه محساساني اني شيطان انا معملتش حاجه غلط وهما كانوا موافقين يقصد البنات اللي غلط معاهم ومره قالي انه هيعمل التكييف من وراء العداد يعني هيسرق الكهرباء رفضت واقنعته بلاش بس حسيت انه عملها عشاني مش عشان ايمان منه ان ده الصح صحيح كان بيعاملني كملكه بس احيانا كنت بحس انه اختارني لانه وثق فيا ومره عيرني بسني وكانه انقذني من العنوس استغربت علي قدرته انه يجرحني وانا خفت اجرحه ومسالتش عن غلطه وفهمت ده اكترلما اعترفلي ان واحده من الستات ديه كانت متجوزه صاحبه الصراحه انا اضيقت منه جدا بس مقدرتش ابينله وكتمت في قلبي كنت بسال ربي هو ايه اللي بيحصل انا دخلت الطريق ابحث عن حد يشدني ليك يارب لاقيت حد باخطاء وعايزني انا اشده عقلي وقف وكملت وانا مش فاهمه المهم قبل الفرح حصلت مشكله وزعقلي امام اهله استغربت انا مستحمله ليه فسخت الخطبه هو كان مذهول لانه اعتقد لما كملت اني سامحته اتحايل عليا وعلي اهلي يرجع بس انا مردتش حسين اني اتنفست بعد ماسبته كلام كتييير وتصرفات شكتتني فيه قالي لو مش بحبك كنت مشيت مع بنات مشكلته انه محسسنيش ان توبته ناصوحه انا مقدرش احكم بس نظراته للبنات واحنا ماشيين انه محتفظ بهديه من الست اللي خانت جوزها معاه ويقولي اصل صارف عليها ازاي يخلي اي حاجه تفكره بالقرف ده كله انا سؤالي هل انا ظلمته اني حسسيته بلامان واعترفلي وافتكر اني سامحته وفجاءه سبته هل قطعت عليه الفرصه للتوبه من فضلكم جابوا بلاش تاخير ديه تاني مره ابعتت