تركت أهلي حتى يقبلوا بي!

انا مهندس مدني وهيا دكتوره قعدنا مخطوبين سنه ونصف وهيا بالمناسبة من المعجبين بصفحتكم واحتمال تكون ارسلت المشكله حسب وجهت نظرها هيا بتقول أنها بتحبني لكن انا بعشقها قضيت سنه من الخطوبة في السعوديه سيبت الشغل عشانها عشان والدها كان بيقول مينفعش الخطوبة تقعد اكتر من سنه وأصحاب الشغل كانوا رافضين يدوني اجازه أهلي وأهلها عصبين شويه أمها كانت بتقول عاوزة واحد موظف لكن هيا كانت بتقول أنها عاوزاني المهم استمرت الحياه كانت بتحصل ما بينا مشاكل لكن كانت بتتحل آخر ثلاث شهور كنا بنجيب العفش وجبته كله وجيبت الدهب وهما كمان جابو حجاب قلت لابوها عاوز اكتب كتابي عشان اشوف سفر تاني أو ابدا اشوف حياتي كل مكلمهم في موضوع كتب الكتاب يؤجلوة حصل تقريبا ثلاث مرات اخر كنا حددنا كتب الكتاب يوم الاثنين راحوا اجلوه ليوم الجمعه رحت انا اتضايقت وقلتله أنهي الخطوبة واخد حاجتي وهما كانوا زعلانين من الموقف ده بس بعدها بيومين رحت اعتذر وارجعها تاني قالوا لينا أصبر يومين وبعد اليومين مردوش انا اتصلت بيهم راح أبوها قالي احنا موفقين بس هات والدتك عشان نعرف والدتك عاوزة البنت ولا لا والدتي مكنش رأضيه تروح وأبي كان بيقول هيزلوها المهم اخد عمي وروحتلهم بس هما مكنش عاجبهم أن امي مجتش وهكذا دلوقت انا برسل ناس ليهم بس هما رافضين بطلت ارسل ناس ليهم وسيبت أهلي وعشت لوحدي وقلت لابوها انا سبت أهلي بس هوا لسه رافض وفي تفاصيل كتير تانيه زي كده انا عاوز البنت وبحبها بس أهلها رافضين وحاسسها مترددة ونا كل محاول أبعد قلبي والوحدة بيفكروا فيها