تصرفات والد زوجي تخيفني

السلام عليكم انا متزوجه لي سنه ونص وعمري ٣٢ سنه وعندي طفله من بداية زواجي وانا احس ان والد زوجي عنده مشكله احيانا اذا كلمني بالهاتف احس لسانه ثقيل ويخربط بكلامه بالاول حسيت انه مريض ولاكن كل فتره احس ان فيه مشكله و انه يتعاطى شي لاكن ماشفته ولاكن من طريقة كلامه يقول كلام ولسانه ثقيل وكل فتره اسمع صوته تحت بيتنا يهاوش وله صراخ غريب ويتلفظ بالفاظ شينه ع بناته ومره اخر الليل يضرب باب بيت اخو زوجي كان تحتنا وكانت زوجة اخو زوجي نفاس عند اهلها .. شكيت بوضع ابو زوجي كثير وخفت منه ولم اشك بزوجي ابدا لانه كان عادي عندي وماشفت منه شي شككني فيه وبعد ولادتي كلمني ابو زوجي وانا بالمستشفى وكان اتصالاته ورا بعض وكان يلخبط بالكلام وماقدرت اغلق جوالي لاني محتاجه اكلم اهلي وزوجي او احد منهم يكلمني وهو احرجني عند الناس اللي كانو موجودين معي بالغرفه وبعد مارجعت لبيت اهلي عشان النفاس كلمني زوجي مره ولقيت نفس الشي طلع من زوجي !!! بكيت قلت اكيد اذا كان الابو كذا وعند عياله عادي يشوفونه بهالشكل كيف بيكونون عياله اكيد بيكونون مثله احترت وش اسوي وكيف اتصرف وانا تزوجت عمري ٣٠ وابي اكون اسره وعيال بس كيف وانا اللي ماخذته هو وابوه بهالحاله هاذي والله محتاااره حتى ان عند ابو زوجي بنت صغيره من زوجه طلقها قبل وتشوفه بهالوضع وعنده حفيد من زوجة ولده قد طلقها غير الثانيه اللي الحين معه وايضا هذا الحفيد يشوف هالوضع هذا اخاف بكره عيالي يتربون وسط هالاجواء هاذي ويشوفون هالبلاوي هاذي اذا قدوتهم الكبار كذا كيف يطلعون وعلى فكره زوجي واهله ماكنا نعرف عنهم شي قبل الزواج بعيد عننا .. المهم مادري كيف اتصرف اسفه كلامي ملخبط اكتب وانا متأثره جدا بهالمشكله ارجوكم ابي حل للمشكلتي الله يسعدكم