والد زوجتي يغار عليها بطريقة مستفزة

السلام عليكم انا شاب عمري 29 سنة تزوجت العام الماضي احب زوجتي جدا بشكل لا يوصف واغار عليها غيره طبيعية ولكن مشكلتي بدأت مع ابوها هي حبيبة ابوها والصغيرة " اخر العنقود " في يوم الزواج ما كان يوصيني عليها كان قاعد يهددني يقول ان نزلت دمعة من عينها او شفت حزن في ملامحها سواء انت الفاعل او غيره راح اقطع راسك بلعت تهديده وقلت له ابشر لما رجعنا السعودية ورجعنا لروتين الدوامات وغيرها المهم احيانن لما اطلع انا واصحابي يتصل علي يقول جيب بنتي ابغى اكحل عيوني فيها يقولها بطريقة مستفزه يبغى يقهرني واذا قلت اني بعيد بكره اجيبها يبدأ يهدد الى ان اضطر ارجع اوديها واحيانن يطب علينا فجأة فبيتنا يضمها قدام عيني ويأكلها ويرفض انها تصب له القهوة هو اللي يصب لها حتى لما جت تشيل رفض وقال زوجك يشيلها وهي تفرح اذا شافته والدنيا ما تشيلها من الوناسه فأسكت وما اناقشها حتى لما اجتمع مع اخوانها وازواج اخواتها يعاملني بطريقة مختلفه عنهم يستقصد يحرجني ويقلل من قدري بعضهم يحس ويسألني اذا بيننا شئ لكن جوابي لا والى الان لا لاني ما ادري ليه الكرهه وهي من قبل تقول ابوي ثنى عليك ايام الخطوبة وهو خلاني اوافق عليك لكن ما ادري ليش سبب الكرهه الشديد هل هو يغار عليها مني ولا كارهني فعلا لكن انا اللي قاعد اغار منه ابغى حل لاني تعبت منه كيف اتصرف معه بدون ما اجرح زوجتي ؟