أشعر بالغضب بسبب تهميشهم لي

مرحبا قصتي شوي غريبة و بصراحة حابة اعرف الغلط مني ولا مو مني مع التنويه اني حامل و بتهيألي اني من الحمل هيك بفكر الموضوع اني كنت مقترحة على زوجي و اخوه فكرة مطعم كنت بحلم فيها و فجأة لقيتهم فتحو المطعم و ما دخلوني بأي شي مع العلم اني الي معرفة بالطبخ و المطاعم و كان المفروض انا اكون الشيف و فيوم من الايام بلاقيهم موظفين وحدة بنت تستلم بدالي الشيف و بدون ما يهيأوني لأي اشي و تركت الموضوع و عملت حالي ولا فارقة معي اي و اختصرت اي شي من طرف المطعم و من ضمن الوقت اللي قرب يجهز المطعم ما خطر ببالهم ولو يحكولي تعي مهنا نشتري تجهيزات المطبخ و الاواني و بنفس الوقت كانه ياخدو ناس تانية و منهم صاحبة اخوه و اللي بتعرف كل صغيرة و كبيرة بالمحل اكتر مني اللي انا كنت بدي هاد المطعم المشكلة مش كل هاد المشكلة عندي اني عم بفوت المطعم ما بحس انو محلنا و ما عم بنبسط و بصراحة زوجي عم بزعل مني و بلومني مع انه من قلبي فرحانه والله بس في ديق بقلبي كيف انهم همشوني و عم بدخله غرباء بفكرتي اللي بحلم فيها كنت ازا انا عندي اشي نفسي بحب تحكولي عشان اشوف دكتور لانه زوجي بحسسني اني غلطانه و محقوقة و ما الي حق آخد علخاطري من الموضوع الرجاء الرد السريع لانه عم بأثر على علاقتي مع زوجي بصراحه و بدي حل شكرا