اعتقدوا أنهم سيحموني من المجتمع ولكن...

السلام عليكم انا شابه 18 سنة انا حبيت اطرح مشكلتي واتمنى انكم تساعدوني انا بفتره من حياتي بالمرحله الابتدائيه كنت بره بلادي بسبب شغل الوالد جلست سنتين ادرس بالبيت ماكنت اروح مدرسه بحجة اهلي انهم يبغو يحموني من المجتمع والمضايقات بالمدارس المهم بعدها بسنتين دخلت مدرسه بس ماكنت مرتاحه فيها ابدا كنت انضرب وانهان كرهت نفسي حسيت نفسي كأني كنت بقفص من ذهب بس بالمقابل لما اطلع بره بيتي احس بخوف وما اعرف كيف اتعامل مع الناس ف انا اعترف اعطيت مجال للمضايقات لان انا جبتو لنفسي لانو كنت مفكره انو عشان ما اجلس وحيده طول عمري واحس نفسي مختلفه عن باقي البنات لما يكونو عندهم صحبات يحبو بعض يفاجؤا بعض بأعياد ميلادهم يشكو لبعض او حتى يتهاشو مع بعض المهم عندهم حياة اجتماعيه مو حياة بارده فيها وحده وجفاف ف عشان كذا للأسف خليت عقدي النفسية تلعب فيني وخليتهم يضايقوني وخليتهم يصادقوني رغم اني اعرف انها علاقه استغلاليه وفيها اهانه فحاليا احس برغم انه الموضوع مر عليه وقت طويييييل الا اني الان بالجامعه بس خايفه.. مرات اقول انا ماعندي مشكله بأن انصدم من الصداقات بس كمان ما اروح لصداقات وانا حاسه انها رح تضرني يعني مثال انا صاحبت وحده بنت بويه هي طيبه مره وانا ماعندي حكاية العنصريه والتفرقه انو شكلها غير اخاف منها مو شرط المهم صاحبتها عادي وكل شي لكن جلست افكر الحين انا اهلي منعوني ادرس بمدرسه طبيعيه عشان يحموني والان دخلوني على جامعه فيها جميييع الفئات المحترمات واللي مو محترمات ف كيف اتعامل معهم من بعد الانعزال الطويل كيف يخلوني اتعلم كيف اتعامل مع الناس الحين وانا اعرف انهم رح يتفاجئو اذا عرفو اني اصاحب هالبنت انا ما اسميها بويه لان هي بالنهاية قلبها قلب بنت بعض النظر على هيئتها او شكلها وانا ارتاح معاها شخصيا لكن لما نكون لوحدنا او مع صحباتي المقربين لكن مع صحباتها هي ما اتقرب لان محيطها مايعجبني وغريب ومخيف يمكن لو دخلت فيه لكن هي البنت لا غبار عليها ف الحين انا صار عندي خوف في العلاقات الجديده اخاف ادخل مع صحباتها واصير مو كويسه واصدم اهلي انا ما اعرف كيف اتعامل مع الناس ومتردده ساعدوني ارجوكم..