لماذا ام الزوج لا تعامل زوجة ابنها مثل بنتها

انا مش عارفة ابدا المشكلة لان هي مش مشكلة اكتر ماهي عقبة فى كل بيت وسؤال لكل بنت في المجتمعات العربية وهو ليه ام الزوج مبتعملش مرات ابنها زي بنتها ؟ ليه التفرقة ؟ ليه تخافي على مشاعر بنتك وتنقي الكلام وانتى بتكلميها هي وجوزها ؟ ومتخافيش على مشاعر مرات ابنك وديما النظرة لإمرات الإبن على انها لازم تخدم حمتها والا تبقي مش كويسة انا مش معترضة على الخدمة بس الأسلوب لو كويس في المعاملة اكيد من غير ما تطلب اخدمها بطيبة نفس ودى المشكلة ان حماتي سليطة اللسان هي وبنتها وحتى لو قعدت وحاولت اكلم معاهم عادي دايما يصدوا الواحد بالكلام ويردوا بستهزاء بكلامي وان تجنبتهم ومدخلتش حتى عندهم لاننا في نفس البيت ادوار يشتكوا للكل ويقولوا اني مش بساعدهم في حاجة ومش بدخل ومنعه اولادي منهم وكده فبقيت محتارة ان دخلت لا اعامل باحترام ولو هي اسلوبها كده على طول مع كل الناس كنت عذرتها وقلت دى طبيعتها بس هي اسلوبها حلو مع بنتها وجوزها بتنقي لهم الكلام اما معانا انا وسلفتي اسلوب تاني خالص ودايما بتفضل بنتها على ولادها الصبيان حتى فى المعاملة برغم ان الواحد مش مقصر معاها في حاجة واى تطلب تطلبوا مني مقدرش اقولها لا بس انا تعبت من الأسلوب ومقدرش ابقى بوشين لإما ادخل واكلمهم وبكده اقل من احترام نفسي لإما أقطع خالص ومكلمش حد وفى كلتا الحاليين انا بالنسبة ليهم مش كويسة هههه حلوها