أريد أن أتقبل خطيبي وانسى الذي أحببته

السلام عليكم ،، قبل خمس سنوات كنا في عزومه للعائله شفت وقتها شب بيقربلي كنت من زمان مو شايفته لانو كان يدرس برا وكان راجع وقتها ، الشب عباره عن ملاااك دين واخلااق وجماال وحسب ونسب وخفه دم وعلم وماشاءالله من جميع النوااحي تقريبا هوه ملااك يمشي ع الارض وكان دايما ينصح امو وابوه وكان وحيدهم هوه ، بس كنت متاكده انو مش انا فتاه احلامه ولا ممكن يتفرج بخلقتي مع اني الحمدلله بشهاده الجميع انا مثقفه اكثر منو وجميله وحافظه للقرآن وهاديه والكل بندح فيني بس بطبيعه الانسان دايما بستقل بحالو ، كنت اتمنااه بصدق وادعي ربي يكون نصيبي واتمنااه لانو ماقابلت بحياتي حدا متلو ، المهم غااب كتير ومابعرف اخباره ولا اشي عنو ، انقطعت بعدها عنو كم سنه وانا كنت بالجامعه قابلت شب من نفس تخصصي وطلب يحكي معي اعطيتو رقم امي وشافتو وحكت معو وارتاحلتو حكيت معو فتره قصيره واجى تقدملي بعدها ، اهلي من النوع اللي كتير راقين بالتعامل مع الناس ، ابوي كتير حبو ووافق عليه كان شب ع مستوى من الأخلاق والعلم المهم تمت الموافقه عليه وكتبنا كتابنا وهلا احنا مخطوبين حياتنا فيها الحلو وفيها المر ، بتمر علينا ظرووف صعبه ومشااكل ، دينو خفيف مع انو في البدايه كان متلزم هلا في عنده اغلاط كتيره ووضعه المادي تعيس بس انا واقفه معو ، من فتره زارتنا عمتي وحكتلي انوحبيبي قبل خطبتي بكم يوم احى هداك الشب اللي بقربلي وحكالها انو بدو يتقدملي وكان يستشيرها لانو شايفني انا انسب حدا الو وانو عاجبو ديني واخلاقي واهلي واجت تحكي لبابا الموضوع ولا تفاجات انو انا بدي اكتب كتابي ، عرفت هادا الموضوع بعد خطبيتي ب خمس شهور انا مابعرف كيف وضعي هلا ، نفسيتي كتير تعبت اني استعجلت على حالي وانو ضوعت هيك فرصه من ايدي ، مو عارفه كيف بدي ارضى واعيش وانسى هداك البني ادم ، انا مابحبو بس صفااته جدا رائعه وخطيبي بحبه بس كتير حياتنا فيها مشاكل وتعب ، مو عارفه كيف اقدر اكمل مع خطبيبي ، اصلا مو ضامنه ازا تركتو يرجع يتقدملي هداك ، بدي ارضى بخطيبي وحيااتي معو و بدي اعيش معو احلى حياه وارضى فيه واشوفو احسن حدا بس مو عارفه كيف ، دلوووني كييف ؟؟؟