يريد ان يعود لي شفقة لا أكثر

انا بنت عندي ٢٥ سنة مكمله دراستي الجامعيه حبيت ابن عمي من لحظة ماشفته(ماكنت نعرف بعض قبل) هو انبهر فيا بالأول حاول يوصلي او بلشت قصتنا ع طول بعث اهله او خطبني بس علاقتنا كل سنة تتراجع سوي لوصلنا بعد ٥ سنين من الخطبة الى الوجود المعدم يعني من باب الواجب بحسه بس من لما سافر او بعد ع القرية و تقاليدها اهملني كتير او بعد سنة من سفره خبرني ماعاد فينا نكمل. خبرت اهلي و دخلت بحالة إكتئاب او ناس مارحمتني بالحكي خاصة منطقة ريفية او عنا متل الجريمة فسخ الخطوبة او فوقها ٥ سنوات..عنّا شي شهرين منفصلين او انا كل يوم شكل مراوحة بين نسيان و تذكر او هلا عم يضغط عليا لإرجع إله قال مابقدر يساوي هيك فيني او يخليني مسخره قدام الناس ضميره عم بأنبه ع فعلته او مابحب يظلمني قدام ربي خاصة انا طول المدة ولا سمع كلمة عيب مني ولا ساويت خطأ بحقه يعني مافي سبب يخليه يكون هيك معي. أنا محتاره بين كمل إتحدى حكي الناس او خلي التجربة الي درس او بين ارجع إله ع أمل يتغير و يحبني بعد الزواج الي مفروض يكون بصيفية برجعته خايفة من الخيارين او انا ماعدت صغيرة او يمكن ماعاد حدا يحاول يتقرب مني بسببه بعد كل هاي سنين الخطبة مو عارفة اتبع قلبي او عقلي.بدي أرائكم مشان شوف القصة من زوايا تانية