زوجي مسافر وأهله يحاسبونني

انا زوجه وام لبنتين سني 23 سنه متزوجه من 4سنين وزوجي يعمل بالخارج انا عايزها تشوفوا ليه حل لمشكلتي انا وزوجي كنا بنحب بعض جدا ايام الخطوبه لدرجه كنا مستنين بفارغ الصبر انوا يجمعنا بيت في اقرب وقت ممكن وبعد خطوبه وحب 7شهور اتزوجنا واول سنه جواز كان فيها حب ورضي بنا وكل حاجه كنا بنتشارك فيها حتي شغل البيت كنا بنساعد بعض بكل حب وكانوا اهلو مش حبين الوضع لانوا بيحبني وبيخاف عليا وكان بيبعد عني اي حد يزعلني حتي لو كانوا اهلي او اهلو لكن بعد ما جبت بنتي الاولي حياتي اتغيرت 100درجه عاد هو اللي بيزعق ويشخط حتي كان الاول رومانسي جدا وبعد السنه دي معدش بيعمل معايه حاجه ولا بيساعدني ولا في رومانسيه ولا حب عاد خناق وزعل بدل ماكان هو اللي لو شافني زعلانه يزعل ويصالحني عنت انا اللي بجري وراه علشان اشوفوا زعلان ليه اتعود بقي انوا يزعل وانا اللي اروحلوا واصالحوا عاد بيتقل وبيرميني علي الأرض لو روحت له وكمان معدش بيقرب ليا زي الاول عاد عايزني انا اللي أقرب منوا حتي في العلاقه الحميمه عايزني انا اللي اطلبها وكنت بطلبها لانوا كان ممكن يقعد بالشهر ميجيش ليا ويطلب او حتي يبقي رومانسي وكده حتي في المصاريف كان مقصر وكانوا اهلي اللي بيدولي اي حاجه انا عيزاها وكنت بغضب واسيب البيت علشان المصاريف حتي لما كنت بغضب بالأسبوع والشهر ميسالش فيا خالص الا لو انا اللي اتصلت عليه علشان ياخدني منا كنت بحبوا اعمل ايه ده كله كان هنا ومابيسفرش لمدة 3سنين علي الحال ده ودلوقتي سافر بقالو سنه والحياه اتغيرت بقي بيبعت مصاريف بس اهلوا بيبعت لهم مصاريفوا كلها يعني صارف علي اهلو اللي وراه واللي قداموا ده كله ليه مش عارفه مش عارفه اعمل مستقبل لولادي علشان اهلو سحبين كل فلوسوا وباجي اتكلم يقولي ملكيش دعوه وانا كنت قاعده عند اهلي طول السنه اللي سافرها وكنت بقي عايزه اروح شقتي بس انا وحماتي مش بنحب ببعض علشان انا عيشتي غير عيشتها لانها فلاحه شويه فعيزاني ابقي زيها مهمله في نفسي المهم انا المفروض اروح شقتي فحماتي مرضيتش اني اروح الا ماجوزي يجي فجوزي كلمهم علشان اروح رفضوا فبعت ليهم خالي فروحت ودلوقتي انا قاعده في شقتي بيحسبوني علي الطالعه والنازله وهما ملهمش دعوه بخروجي ادام جوزي عارف وانا ليا سلف عامل فيها عمدة البيت فابيحسبني علي خروجي وراح لاهلي وزعق ليهم بيقول ليهم تخرج بإذني وتديني رقمها علشان اعرف بتخرج فين وتيجي منين وانا جوزي لا بيحل ولا يربط لازم كل مشكله ادخل اهلي علشان يحلوها وانا جوزي لسه مسافر بقالو سنه وده أول سفر له وبسبب اخوه عايز ينزل نهائي وهترجع تاني ايام الارف من جديد ولو ان حتي لما سافر متغيرش ولا حاجه هو زي ما هو بيتغير يوم ويرجع اكتر من الاول فحلو ليا الموضوع ده بعد ازنكم