أشعر أني أحترق بسبب تهرب خطيبي مني

السلام عليكم بطرح عليكم مشكلتي التي تكاد ان تجنني بجد انا تعبت ومالي غيركم بعد الله المشكله هي ان انا ملكه من سنه وماكلمت خطيبي الا قبل شهرين المهم يعني لي انا وخطيبي شهرين ونحنا مع بعض في البدايه كان طيب وعسول ومغرقني كلام حلو وطاير فيني طبعا ع الواتس ونادرا مايكلمني ع الجوال الا اذا قلت له بسمع صوتك >>مشيتها له قلت يمكن يستحي رغم ان اسلوبه تمام ع الجوال وانا اللي استحي مو هو وصار كل شغلنا في الواتس ولو اغيب عنه يوم يسال عني ويهتم فيني بس له اسبوعين صار انسان ثاني مايكلمني ابد لحد مارسله انا واتطمن ع اخباره ولما اكلمه ماياخذ معي نص ساعه مرا يقول مشغول ومرا بنام ومرا مايدخل الواتس ابد احسه يتهرب مني وانا والله نفس اسلوبي ماتغير انقهرت حيل ولا بينت له اني مقهوره ولا اساله ليه ماتكلمني مثل اول احس اني احترق وهو ومو داري ومالي عارفه اصارحه ولا اسايره وابعد عن المشاكل جد تعبت منه ابي اعرف وش اللي غيره علي لو اسلوبه كذا من البدايه اعذره لكن انا اعرف اسلوبه يحب يسولف ومايسكت ابد لكن الحين بعد كيفك يجي صمت فضيع ولما اكسر الصمت بسالفه يجاملني بالكلام وبعدها يبدا يتعذر واذا مافي عذر يقول روحي نامي ومرا جد قهرني قال بروح انام قلت له اوكي المهم وهو عنده رقم ثاني الصدمه اني لقيته بعد ماخرج دخل الواتس اللي برقمه الثاني واخذ ساعتين وهو متصل الان جد انقهرت ولا قلت له شي تغافلت عن الموضوع لانه سالني قبل كذا قال رقمي الثاني عندك قلت له ماحفظته بجهازي لاني حسيته يبي يطمن اني مأشوفه اذا دخل ولا لا والله والله احس اني مقهوره ابي اعرف وش صار فيه انا عارفه انه يحبني بس في شي يخليه يتهرب مني رغم اني مخليته ع راحته مو النوع اللي يسال وينك وليه مادخلت و و و.....الخ تكفووون ساعدوووني وش اسوي معه اللي قاهرني اكثر ان المده مو طويله عشان يمديه مل ولا طفش تكفوووون قولي لي وش الحل والله اني اعيش في صراع نفسي