تزوجت بسبب ضغط أهلي وما زلت على تواصل مع حبيبتي

السلام عليكم .. اني شاب تزوجت وكان عمري 18 سنة بسبب ضغط أهلي لان اني ولدهم الوحيد بدون لا اخ ولا أخت وتزوجت من بنت لا أحبها ولا أعرفها .. علماً اني عندي حبيبة بس احبها من طرف واحد يعني ما ادري بيها تحبني او لا .. المهم تزوجت ورة زواجي بفترة عن طريق الصدفة صار حديث بيني وبين حبيبتي الي احبها بدون علمها واكتشفت حبها الي وصارت بيناتنا علاقه المهم ماريد اطول عليكم .. اتفقنا ع الزواج بس اهلها مستحيل راح ينطوها لشخص متزوج فاتفقنا تتزوج وتتطلق حتى اهلها ينطونياها تزوجت واحد من اقربائها وكان شخص تافه المهم صارت مشاكل ولما طلبت الطلاق رفض وگال الها بالنص ( مستحيل تكونين لغيري ) المهم اني حالياً عندي اطفال .. وحبيبتي حالياً عدها مشاكل مع زوجها واصلة للطلاق واني مقرر بس تتطلق اتزوجها وزوجتي حاسة بحبي الها وتگول بس انت تنتظرها تتطلق حتى تتزوجها طبعاً اني دائماً انكر تجنباً للمشاكل وحالياً منتظر طلاق حبيبتي حتى اتزوج علماً صارلنا 5 سنوات على علاقة ونطلع سوا واشوفها وتشوفني وبيني وبينها اتصال