بعد ما بذلته من جهد لا أحد يسأل عني!

انا ياناس عشت حياة قاسيه ابوي قاسي وامي مريضه' درست الابتدائيه وبعد كذا ابوي رفض اني اكمل وما اشترا لي دفاتر ولا شنطة وكان يخليني مثل الخدامه عند زوجته اغسل حماماتهم وانضف لهم ثم ارجع لبيت امي وانضم واشتغل.. بعد سنوات حاولت اروح للمدرسه على رجلي وكملت المتوسطه وهو رفض قال مالي شغل فيك ولا اشتري لك اي شيء وكانت ملابسي قصيره وشنطتي متقطعه خلصت المتوسطه وجلست في للبيت اخدم اخواني وامي بعد كذا كملت الثانويه منازل اختبر وارجع للبيت وأكمل شغل البيت ' وابوي متزوج ثانيه وكل شوي مشاكل معها فرقتنا ولعبت في حسبتنا خلصت الثانويه وجلست بالبيت اخدم اخواني وارعى امي المريضه احفظها واغسلها والبسها وااكلها وانومها....وكانت فاقده الذاكره تمسك يدي وتضمها وتبوسها رغم أنها ماتتكلم وما تعرف احد وانا كنت ملازمه لها ما اطلع من البيت وبعد سنوات ماتت الله يرحمها ويسكنها الجنه ..بعدين جلست انا واخواني 2 اخدمهم ودراستهم الجامعه وحفزتهم وكملت انا الجامعه انتساب وتحملت مشااق التوصيل بعد كذا كبرو اخواني انخطبت ووافقت على رجال عمره 48 سنه قالو لي الناس تزوجيه امك خلاص ماتت وأخوانك كبروا وبتجلسي لحالك ولا تخدمي مرت ابوك ' تزوجته وانتهيت الجامعه بمعدل 3.30 انتساب والحمد لله وجاني طفله مشكلتي الآن زوجي مريض نفسي حزين دايم وسرحان وكابتني وحارمني كل شيء وانا صابره ..وايضا والله بعد التعب ذا كله اخواني ما يسألون عني ..وابوي ولا مره من تزوجت دخل بيتي يسلم علي ويتطمن علي وانا مقدر اكلمه لاني اخاف منه ' وخواني اللي ربيتهم وطبخت لهم وعلمتهم وحفزتهم على الدراسه مو معبريني ' كرهت الناس وانعزلت كيف اعالج نفسي انا مرهقه جدا ساعدوني