أهلي منعوني أخرج مع خطيبي وأخي شتمه.. فكيف أتصرف؟

انخطبت من فترة سنة ل شب ضل يلاحقني شي ٥ شهور لوافقت و بعد موافقتي دغري طلب انه نخطب عشان يكون كل شي بعلم اهلي.. اهلي كان عندهم شوية تحفظات ع عمره انه اصغر مني ب سنة و ع دراسته لان انا كنت مخلصة جامعة و هو معهد.. المهم بعد تقريبا شهرين صارو اهلي يضغطو علينا كتير ممنوع نقعد لحالنا ممنوع نطلع ممنوع اروح عندهم ممنوع اعمل واجباتي تجاه اخواته معهم و هو متحمل بعد فترة صرت احسه تغيّر ع كل شي يعصب و بلش يخنقني و يضغطني و يمنعني و يزعل اذا طلعت اشوف رفقاتي و يحكيلي كيف اهلك بخلوكي تشوفيهم و ما بسمحىلك تشوفيني رغم انك معي بتكوني بأمان اكتر، لحد ما كبرت القصة و طلع حكى اهلي و صارت مشكلة بينه و بين اخي و اخي شتمه ف شال المحبس و راح و من يومها و هو يحاول يرجع و يتذلل و يبكي و يبعت، و انا اهلي مفكريني نسيته و انا بعدني بحبه و بدي اياه ما كان عندي مجال افهمه ما كانو سامحين انه نفهم بعض بس صرت افكر فيها صرت احس الحق عأهلي و انهن ظلموني و ظلموه و هلأ انا نفسي اعطيه فرصة و خايفة من ردة فعل اهلي لما يرجع يطلبني و انا حكيتله نأجلها شي سنة لتكون راقت الامور و هوي زبط امور الزواج. اي نصيحة ؟