أكره الذهاب لبيت أهلي.. سلبية أبي وإخوتي لا يتخيلها أحد

انا متزوجه من كم سنه لكن مشكلتي في بيت اهلي ليست في بيتي ، من قبل ان اتزوج بيئه بيتنا كانت سيئه جدا ابوي مايشتغل انفصل من شغله وانا صغيره وامي شخصيتها ضعيفه وصارت تعيش على صدقات من اهلها عشان تصرف ع البيت ، اخوي الكبير نسخه مكرره من ابوي جمعت له امي فلوس وزوجته والان هو مفصول من شغله وجالس عاله على اهلي وزوجته .. انا فعلا اكره بيت اهلي من قبل اتزوج بيتنا فيه طاقه سلبية كبيره اخواتي مايحبون يطلعون من غرفهم كل شخص بالبيت مسؤول يصرف عن نفسه حتى خواتي الطالبات ابوي مايصرف عليهم كل شخص بالبيت عايش جو مع نفسه محد قلبه على احد انا ارتحت وطلعت من بيتنا مبسوطه بزواجي الحمدلله .. مشكلتي ماحب اروح بيت اهلي خصوصا انه في حاره سيئه جدا وبعيدددده والبيت ماخبركم قد ايش قديم ووصخ وحزين حاولنا كم مره نقنع الوالد نطلع منه لانه كبير وقديم ونسكن في بيت جديد وصغير لكن رافض.. زوجي كل مره يوديني بيت اهلي احسه يحتقر بيتنا ويحتقر ابوي واخوي انا ماتكلمت معه عن وضعهم لكن انا شخصيا اخجل منهم ومو كاسر خاطري بالموضوع الا امي اللي متحملتهم .. وكل مره ارجع من بيت اهلي تكون فيني طاقه سلبيه كبيره واجلس ابكي تعبت من وضع اهلي كل شخص بالبيت فاشل واخواتي الحزينات والمكسورات وامي الضعيفه ، تعبت اني اروح بيتنا ومحد يتكلم مع احد ومحد قلبه على احد وتعبت احس ان زوجي يحتقر اهلي وتعبت من سلبية والدي وانه مو مستعد يسوي ولاشي للبيت !