أمي تصفني بالمتكبرة والمغرورة لأني لا أنسجم مع أهلها

انا بنت عمري 23 سنه مشكلتي من يوم كان عمري 13 سنه يعني لمن كبرت وامي تبدا تقول اني انا متكبره متغطرسه شايفه نفسي على الناس وانا والله عمري ماتكبرت على احد بالعكس ما احس فيا ذرة كبر هذا كلو عشان اهلها وبنات خالاتي وبنات خوالي انا عارفه نفسي ما احب ارمي نفسي على ناس مايرحبو في وجودي او مايبغوني اكون معاهم دايما تصير لي مواقف انحرج منها وانكسف.. بنات خوالي وخالاتي لمن ازورهم باجلس معاهم يسحبو نفسهم وحدا ورا الثانيه ويروحو غرفه ثاني ولا ينادوني معاهم لا انا ولا اخواتي يسيبونا جالسين مع الحريم الكبار وهنا الاحراج تنطلي وحده من الحريم الكبار وتقولي روحي للبنات واشيل نفسي واروح واخش عليهم فالغرفه اللي هما فيها مثلا كانو مشغلين اغاني ويرقصو يطفوها ويجلسو ساكتين يتغامزو ويضحكو لبعض بدون كلام يعني انا ماني عارفه ايش فيه شكلي مو غلط والحمدالله جميله اجمل منهم ولبسي دايما انيق ومهتمه بنفسي ومرتبه حالي مادري على ايش يضحكو ولمن احاول اتكلم معاهم مايطولو بالكلام يعني كلمه ورد غطاهاصرت ما اتكلم معاهم ولا اجلس معاهم ومابدي اروح لهم وارمي نفسي على ناس ماني لاقيه منهم قبول اتجاهي صارت امي تهزئني طول الوقت انتي انطوائيه اخلاقك زباله متكبره اعوذ بالله منك والله جننتني ياعالم انا لمن اخرج مع الناس اللي مو اهل امي طبعا اجتماعيه وحبوبه وعمري ماتكبرت على احد المشكله مو مني من امي وحارمتني من صديقاتي الين ماصار عندي ولا صديقه كل صديقات كانو بفترت الدراسه وراحو وذحين انا متخرجه من الجامعه وتعبت نفسيا من الوحده كل ماتجيني مناسبه لصديقاتي تمنعني وتقول مو لازم ناس مانعرفه لاتروحين