كيف أتقرب من أخواتي وأكسب ثقتهم؟

السلام عليكم مشكلتي هي مع اخواتي الثنتين انا ترتيبي الاكبر في العائله واخواتي ترتيبهم الثاني والثالث بعدي انا شاب عمري 24 سنه واخواتي الكبيره عمرها 21 والثانيه 20 اعاني نوعا ما من صدود من اخواتي الحين صار لي حول السنه اتقرب منهم ولا اجد منهم تجاوب كبير علاقتي فيهم حلوه الحين لكن لازال فيها غموض شويه انا ابغى اصاحبهم ابغى علاقتي فيهم تكون قويه يعرفون اسراري واعرف اسرارهم وابغى يرتاحون لي وارتاح لهم لكنهم مازالو يصدوني شوي يعني يمثلون لي انهم مرتاحين بقربي منهم وانهم مو متضايقين من قربي لهم لكني اشوف العكس مايطلعوني على اي شيء من اسرارهم ولا يضيفوني في برامج التواصل يسوون حسابات ويضيفوني فيها عشان يرضوني بس وهي ماهي حساباتهم الرسميه اللي يستخدمونها وكل ما اقولهم تعالو معاي نطلع نتمشى او اعزمهم في مطعم او اوديهم اي مكان يتهربون مني بحيث انهم ما يبغون يزعلوني يقولون مشغولين كل شوي اجيب لهم هدايا واسالهم عن احتياجاتهم واذا شفت وحده تعبانه اسالها واهتم لها واحاول اخفف عنها واذا وحده كانت متضايقه ومهمومه اسالها وش فيها وابين لها ان بالي مشغول عليها واني مهموم من همها واني احب اساعدها بس مايعلموني وش فيهم حتى لو كانو متضايقين حتى في شغل البيت اساعدهم اذا شفت وحده تشتغل في شغل اجي اخذه من يدها واقول انا بشتغل عنك بس ما يخلوني اساعدهم يقولون لا سهل علينا لا تشيل هم حتى ان ابوي وامي مايسمحو لهم يزورون صاحباتهم الا مرات قليله وانا قلت لهم انا اوديكم عند صاحباتكم متى ما تبغون حتى لو كثير وبدون ما يعرفون امي وابوي بس مالاحظت منهم تجاوب يقولون طيب ان شاء الله ولا يقولون لي بعدها ودينا حتى ارسل لهم يوم اكون بعيد ما يردون الا بعد فتره واقولهم ليش ماتردون يوم ارسل لكم وحده تقول نايمه والثانيه تقول كذا طبيعتي ما ارد على احد وقد ما احاول اتقرب اكثر من كذا افشل الاحظ منهم صدود يبغون العلاقه توقف على هذا الحد ولا تزيد في التقرب وانا مهموم جدا ابي اتقرب لهم اكثر ما اعرف كيف ابغى اصاحبهم ابي علاقتي فيهم تصير زي علاقتهم في صاحباتهم ابغى اصاحبهم صحبه قويه واسعد وانبسط معاهم لكن ماقدرت اتقرب منهم اكثر رغم ان صارت مواقف بيني وبينهم زمان وكنت غلطان واعتذرت لهم واللي صار زمان ان ابوي كان متغيب عن البيت في مدينه ثانيه بحكم عمله حول السنتين وكنت انا ماخذ مكانه وامي كانت تراقبهم دايما ووغياب ابوي عن البيت سبب ان وحده منهم صارت تكلم ولد في برنامج على الجوال وامي كشفتها وهزأتها وامرتني اضربها وضربتها وامي اخذت جوالاتهم منهم فتره وبعدها رجعتها لهم ونصحتهم وبعدها بفتره اختي الثانيه كانت تجيها صاحبتها في بيتنا وتقابلها في الحوش في وقت متاخر من الليل وكانت تكلم صاحبتها في الجوال اذا نمنا واذا دخلت عليها امي تنهي مكالمتها مع صاحبتها وشكت فيها امي وكل ما تحاول تدخل عليها وتسمع من جوال اختي مين تكلم تتهرب اختي وقست عليها امي لانها شكت فيها وخالي مره من المرات كان ماشي من عند بيتنا وشاف صاحبه اختي تنزل من سيارتهم وتدخل بيتنا عشان تقابل اختي لكن الوضع كان مريب ولا كان يعرف انها صاحبه اختي وماهي اختي فكلم امي عن اللي صار وامي كلمتني وراحت كلمت اختي تبي تسالها عن اللي صار واختي تظاهرت انها ما تعرف شيء وقست امي عليها وشككتني فيها وامرتني اقسى عليها واخذت جوالها تراقبه وجوال اختي الثانيه وعدت الفتره هذيك كلها بدون ما نعرف مين البنت اللي كانت داخله للبيت وبعدها بفتره جات صاحبه اختي تقابلها وانا شفت اللي صار كله بعلم اختي وعرفت انها صاحبتها اللي نزلت من السياره للبيت ومو هي وكلمتها واعتذرت منها وتاسفت لها وقلت لها تكون واضحه عشان محد يشك فيها وهي مو غلطانه وجات بعدها بفتره امي اتفقت معي تاخذ جوالاتهم وتراقبها وترجعها لهم وزعلت اختي الكبيره وقفلت على نفسها وقالت انها تعرف وش يصير وان امي متفقه معاي وان احنا ما نوثق فيها واعتذرت منهم الثنتين وحضتهم وتاسفت منهم ووعدتهم ما عاد يتكرر الموضوع هذا طول الحياه ومن بعدها وانا اتقرب منهم بلطف لحد الحين ورجعت علاقتي فيهم طيبه وحلوه ولكن ماهي قويه مثل ما قلت فوق ان فيه صدود منهم شوي وانا الحين ماعاد ابي الا اني اسعدهم وافرحهم واصاحبهم ولا عاد اقسى عليهم واوقف معاهم واساعدهم لكن دلوني كيف اتقرب منهم اكثر وكيف اصاحبهم رغم اني كل شوي احسسهم بالامان وان اي شيء يصير منهم ماعاد اقول لامي عنه ولا اقسى عليهم في شيء ولا اضرهم في اي شيء بس مافيه تجاوب هم مبسوطين مني الحين ومو شايلين علي شيء لكنهم يصدون عني اذا حاولت اتقرب اكثر من كذا ما يبغوني اصاحبهم كيف الحل