أشعر أنني تسرعت بقرار تأجيل الزواج

مرحبا .. مو عارفة اذا يلي رح احكيه مشكلة او لا .. بس مرات كتير بستوقفني الأمر وبحكي لو !!! تقدم لالي أشخاص كتير سواء كزواج تقليدي او معرفة وأصدقاء وكنت ارفضهم بسبب و بدون مع انه في منهم أشخاص كتير مناسبين ... كان تفكيري كله متبلور بشغلي يلي انا الحمدلله هلا ناجحة فيه وتاركة بصمة مميزة فيه .. هلا عمري 31 بس المشكلة اذا فينا نحكي عنها هيك اني هلا كتير بيجي ببالي الأشياء يلي راحت وبندم ع تسرعي بالقرارات يلي كنت اخذها خصوصا انه مجتمعنا ما برحم حتى لو كنت ناجحه .. نجاحك ما بغفر لالك تاخرك في عيون المجتمع نوعا ما ... لو يرجع الزمن فيني بكون قراري مختلف ... حتى بنظرتي للاشخاص .. كان ممكن اجمع بين النجاح والحياة الاجتماعية سبحان الله كل يوم مدارك الإنسان بتختلف ونظرته كمان .. دومتم بخير