خطيبي رومانسي وأنا أحب الأفعال أكثر من الأقوال

انا لسه مخطوبة من قريب بس من قبل الخطوبة وانا اعرفه و في الاول كنت بحبه و مقتنعة بيه جداً و هو انسان كويس و بيحبني اوي بس جت فترة امتحاناتي و ابتديت احس اني اتغيرت و بالذات معاه و مابقتش احب اتكلم كتير، هو رومانسي بطريقة انا بشوفها زيادة و مابقتش اتقبلها دايما و مزاجي علي طول مش كويس و انا مابشوفش الرومانسية دليل علي حب اكتر من الافعال او التفاهم بين الاتنين و مس شاطرة في الكلام الحلو و شايفة ان كل حاجة ليها مزاجها و وقتها مش بعرف انطق اي كلمة حلوة لشخص و انا مش حساها في وقتها،و فهمتوا كذا مرة و في وقتها يوافقني رأيي و بعد كده يرجع تاني زي ما كان و يقولي اني باردة و بنتخانق،فكرت نسيب بعض بس برجع اقول اني كنت بحبه اوي ازاي فجأة كده ده اتغير؟!