والدي سبب تعاستي ماذا أفعل؟

السلام عليكم انا بنت عمري 26 سنه عندي 4 اخوان و انا البنت الوحيده و امي و ابوي عايشين الحمدلله من فتحت عيوني على الدنيا و انا اشوف ابوي و هو مقعد يعني عنده شلل نصفي و انا عمري سنتين ابوي سوا حادث انا احس اني مب مرتاحه في هالبيت و السبب ابوي عمري ما حسيت بحنان الاب و هو مريض و انا و امي و اخواني نخدمه ما نقصر معاه مع كل هذا هو يتضارب مع امي و يشتمها و كان يضربنا و نحن صغار لدرجه هو ما يمشي ينادينا و نحن من الخوف نروح عنده و يضربنا مع الايام كبرت و وصلت سن المراهقه و تعرفت على واحد و حبيته بس للاسف كان اختياري غلط لدرجه انه لما قلتله انا ما اقدر اكمل معاك انت خاين خبر اهلي اني كنت اكلمه كنت ادرس وقتها كنت صف عاشر و ابوي كان يبي يطلعني من المدرسه و انضربت من ابوي و اخوي وصلت لمرحله اني خلاص مابي اعيش حاولت انتحر بس لحقت علي امي و اخوي ودوني المستشفى كنت اعيش حياة السجن لا اطلع و لا احد يزورني و لا اكلم صديقاتي لين خلصت الدراسه و قعدت فالبيت سنه بعدها دخلت الكليه كانت منحه لمده شهر بس لما رحت و كنت مقدمه على وظيفه في نفس الوقت قبل ما اخلص من الكليه اتصلو فيني و داومت و حسيت حياتي تغيرت كنت فرحانه و كنت احب شغلي طول فتره الدوام كل مره ابوي يتضارب مع امي و يطردها من البيت شهرين و ثلاث و نروح نرجعها و كل ما كانت تطلع كان يطلعني من دوامي يقولي لا تداومين منو بيطبخلنا و منو بيسوي شغل البيت مع الايام طلعني من وظيفتي فجاه و اخذ تلفوني و حبسوني فالبيت نفس قبل و طرد امي من البيت هالمره لمده سنه في هالسنه كنت احس اني كبرت عشرين سنه من الهموم شغل البيت و ابوي و طلباته و دراسة اخوي الصغير و مواعيد ابوي المستشفى كنت انام فالليل و ما احس في نفسي من التعب و احيانا ما انام من التفكير كنت افقد امي وايد بعد سنه توفى عمي و ابوي رجع امي البيت قال خلاص انا ما يخصني في حد ما راح اتضارب معاكم خطبني على أيام الدوام شخص ناس من معارفنا و ابوي رفض قال نحن مستوانا أعلى من مستواهم بعدها خطبني شخص ثاني من اهل ابوي بعد رفض دخل في حياتي ولد خالي كنا عادي مع الايام حسيت اني احبه و هو نفس الشي لين ما صارحنا بعض بعد شهرين خطبني ولد خالي و في نفس الاسبوع خطبوني 2 بعد من معارفنا ابوي رفضهم و وافق على ولد خالي بس كان متردد المهم خطبوني و تكلمو عن المهر و كل شي عقب 5 شهور قالو بنسوي خطوبه ابوي قال لا انا مب موافق خلاص نسأله ليش يقول بس مابي احد من اهل امج و رجع خطبني قبل 5 شهور بعد رفض ابوي حاولت اكلمه ان هذي حياتي و انا موافقه قالي روحي تزوجي و لا تين عندي بعد بعدها خطبني واحد من اللي رفضهم ابوي مره ثانيه لما خبرنا ابوي قال لا خلاص انا موافق على ولد خالج خلو ايي و انا امي خبرت خالي خالي و زوجته رفضو بس انا و ولد خالي بعدنا نحب بعض و انا مابي غيره و هو ما يبي غيري لما كلمت ابوي انت ليش تسوي فيني جذي يقولي طول ما انا عايش جي بسوي فيج حسيت عمري مريضه كله انام و كسلانه و اعصب بسرعه حسيت اني كرهت ابوي و الحين انا قدمت أوراقي عشان ارجع نفس وظيفتي رجع كل يوم يتضارب معاي و يشتم و انا ما قمت اتحمل صرت اعصب عليه احيانا اوصل لمرحله اني ابغي اضربه من الكلام اللي يقوله اول مره اشوف اب يقول لبنته هالكلام مش عارفه شو اسوي تعبت انا صرت ما انام الليل من التفكير التعب و الارهاق باين علي اي حد يشوفني يقولي انتي مريضه تغيرتي لازم تتعالجين حتى لما اقوله عطني فلوس بتعالج يقولي انا مب مسؤول عنج وايد وايد كلام ما عرف شو اكتب و شو اخلي ارجو انكم تساعدوني شو الحل في شو تنصحوني؟