أهلي يمنعوني أخذ حقي من أخوات زوجي

اقسم بالله العظيم ان مااقوله صحيح وبدون مزايده . انا متزوجه من سنتين بس قبل هذا كله بدايه خطبتي كانت اكثر من خمس سنوات من الان وكلمت زوجي شخصيا او خطيبي في ذاك الوقت وقلت له اني ماابغا اتزوج مو عيبا فيه بالعكس الكل يمدحه الحمدالله بس انا عندي احساس اني طول حياتي وانا مقيده لاني من بلغت انخطبت لولد خالتي لحد ماصار عمري ١٨ وانا رافضه وماابغاه ابدا فقلت لـ اهلي وفسخنا الخطوبه والحمدالله بعدها جا دور الجامعه ابوي الله يحفظه كان يبغاني دكتوره لانه هو ماكمل تعليمه انا ماكنت حابه بس ارضيته ودخلت كلية الطب حسيت بالضغط لاني ماابغا هذا التخصص بس مشيت فيه وهذا انا في فترة الامتياز بقا لي اربع شهور كان المفروض هذا اخر شهر بس بسبب الضغط النفسي اللي احسه وزياده عليها مشكلة اهل زوجي اللي الحين بقولها جاني اكتئاب شديد فأجلت هذه الاربع شهور حتى اقرر الاستمرار او انسحب وقلبي محروق ع تعب عمري وامنية والدي ،ابغا الشهادة بس ماعاد اقدر اروح للمستشفى للتطبيق وماحب الكلام عن دراستي ابدا ، انا غير راضيه تماما عن دراستي احس انقتل طموحي واحس ان ماعندي هدف ولكن كنت اضغط ع نفسي لحد ماانفجرت بسبب كل التراكمات، وانا انخطبت لزوجي وانا ثاني جامعه ف ماكنت ابغا انسجن من جديد فكلمته وقلت انت الكل يمدحك وانا مرتاحه بس ماابغا المسؤليه الان وانت تعال ارفض لان اهلي ماراح يوافقو اني ارفضك بيقولو انتي تدلعي وكل شويا تقولي مابغا هذا ولا ابغا هذا ... فقال طيب وتعاهدنا ان الموضوع بيني وبينه هو كان راغبني جداً بعدها بسنتين تقريبا في ناس كلمو ابوي عني وانا رفضت فحلف انه اول واحد يجيني حتى لو عجوز راح يزوجني! مدري وش خلاني رجعت كلمت زوجي لان رقمه كان عندي ماحذفته ولما شافني سلمت عليه رجع فتح الموضوع انو اذا في امكانيه وعلى طول وافقت لاني لما استخرت ارتحت وكلم اخته تكلم امي والدي رفض رفض شديد انو كيف يتركك اول والحين يرجع احنا مو لعبه وايش يضمن لي انه قد المسؤلييه ، ف كلمت ابوي وعلمته انو انا السبب انصدم بعدها قبل فيه والحمدالله نصيبي مكتوب لي ، ارجع لزوجي هو انسان كويس وطيب وقليل الكلام ، في الفتره اللي فسخنا فيها الخطوبه هو كان مجمع فلوس للزواج فراح واشترى بيت واخذ قرض وكمل البيت وسكن فيه هو واهله بشقه فلما تزوجنا اخذنا الشقه المقابله بعد كذا انا استغربت من تعامل خواته معاي رجعت من السفر مااستقبلونا كويس بس قلت طبع يمكن وكل ماازورهم انا وزوجي خواته مايجلسو معانا يروحو الغرفه او يجلسو ساكتين مايقدمو شي بس امه تقدم وفي مرا من المرات زرتهم والله يشهد كل مااروح لهم ابتسم واخذ معي شغله عمري مادخلت ويدي فاضيه فتعذرت الام انو البنات يتجهزو رايحين زواج ، وجلستنا في الصالون مو جوه البيت كالعاده وشوي اسمع خواته اشوفهم ببجايم يتسحبو رايحات الصاله ونادو امهم تجيب لهم الحلا اللي جبته يعني قمه في الوقاحه وزوجي دخل جوه وشافهم بس ماكان منتبه لشي وقالو له قفل الباب عشان لا اشوفهم ويوم رجع قفل الباب انا جدا عصبت وحسيت بالاهانه بس تحملت ، ولما نجتمع حريم امه تعزمني اجي يضيفو سلفاتي وانا يتعدوني وتحملت وقلت عادي حريم وغيره مايهمني وعلاقتي مع سلفاتي عاديه اقابلهم بالمناسبات بعدها رحت لسلفتي هي مرا معاهم ومندمجين مع بعض المهم جلست تقول لي انو خوات ازواجنا مايبغوني وانهم ينقهرو اذا شافونا انا وياها نتكلم مع بعض وانهم يستنقصوني ومايبغوني وصارت تذكر مواقف من جد صارت وانا ماكنت منتبهه وقتها ، ومنها انو مرا صار عندهم عزيمه دقت الام وعزمتني زوجي كلم اخته برساله انو وصلو الضيوف او لا قالت اي توهم دخلو قال خلاص زوجتي الحين جايه قالت ماله داعي خلاص شوي ويمشون وقتها مانتبهنا ورحت ، وبعدها صار زوجي ينتبه انو ليش خواته كذا وسالني قلت له مادري انا اروح معك وارجع معك واذا لوحدي يكونو زوجات اخوانك معي يعني عمري ماحتكيت فيهم لوحدي وغير هذا اخته ايام الخطوبه دقت عليا وكانت تهدد وتحذر من زوجات الاخوان وتقول مانبغا مشاكل ومن هذا الكلام وانا رديت عليها قلت انا لسا ماتزوجت اخوكم اذا تزوجته راح تعرفوني لاتحكمي عليا مسبقا، انحرج منهم وقال بكلمهم وفعلا كلمهم قالو هذي منافقه وهذي كذابه وهذا ماصار كله وهي اللي غلطانه قال كيف غلطانه وانا ادخل معاها واطلع معاها !! ولما سال امه قالت هي كويسه ماجا منها لاخير ولاشر ، ومارضو المهم بعدها ولدت وحدا من اخواته قلت بروح ازورها للمستشفى وكانت اختها اللي مو متزوجه عندها جلست انا ع كرسي جنب السرير وانا ماشيه جات ام زوجي قالت رجعوني معكم تعبت مع ان كنا رايحين مشوار بس قلت طبعا اكيد يلا ياخاله وجلسو يدورو شنطتها قالت خالتي شنطتي ع الكومدينه ( اللي هي وراي ) قالت بنتها مااقدر اخذها في كرسي هنا( يعني تبغا تهينني) ، انا هنا حسيت قلبي يتقطع اش هذي الاهانه ؟؟! وسكت لان كانو بنات اختها فيه كمان، بعد كذا حلفت لزوجي اني مااحتك فيهم ولا اسلم عليهم قال حقك ، وبعدها. رحنا نزور امه ( الله يشهد عليا دايم اذكره في امه واوصيه عليها ) جات اخته تسلم من راس خشمها مارديت عليها قالت ماتبغي بالطقاق ولا رديت وجلسنا نسولف مع الام، شوي رجعت وقعدت جنب امها ، جات الام قالت بروح اسوي لكم شاي قالت بنتها لا وبعد تضيفيهم شاي في ناس مااحترمو بنتك هذول اعطيهم بالجزمه وتسب وتسب وانا ساااكته ومقهوره اخر شي زوجي قال اسكتي خلاص احترمي نفسك قالت لا والله وتدافع عن هذي (.... قذفتني ) انقهرررت وزوجي ساكت دقيته انو اش هذا قام وسحبها للغرفه وقالت لسا كمان اطلع برا انت و (قذفتني كثيييير ) ضربها كف رجعت ردته له وصار يسحبها ويدفها يبغا يدخلها الغرفه وامهم تبغا تفكهم وانا ماتحركت من مكاني ابدا ولافتحت فمي ورجع عندي قال امشي واحنا ماشين وهي تسب وتسب وتقذف تقذف وخرجنا ، زوجي دوامه شفتات وكان يومها شفت ليل انا دايم اروح لاهلي وانا عند اهلي شويا ولا الاخت الثانيه رسلت لامي جات امي سالتني اش السالفه وحكيت لها وهذيك سبتني واتهمتني وتهدد وتحذر وانو بنتك متكبره عشانها دكتوره وعشان ابوها غني ... امي قالت راح ارد عليها انا جا زوجي ورجعنا البيت لقينا باب البيت مكسر والتحفه الي عند الباب مكسوره ومرميه اخر الدرج دخلنا نمنا صحينا ع صوت جرس قوي وترسل تقول افتحووو وتهدد وتسب ومعاها سكين او شي حاد وتدق الباب لحد ماانعدم الباب وزوجي يقول اسكتي لاتقومي ولاتردي وخواتها الثانيات يرسلو لزوجي اشبع بها وهي متكبره ومنافقه وتتكلم فينا وتقول للناس انو اخوات زوجي هم السبب انو اول فسخنا الخطوبه !! وانو ماتحترم امنا وماعمرها عزمتها !! بجد كذابات انا احترم امهم اكثر منهم تسولف امهم وتنسا يقولو ياكذابه لاتكذبي يمه ، وعادي تقوم وتقعد هي كبيره بالسن وانا بيتي مو مفروش فيه الا غرفة النوم وتجي الام ودايم اعزمها وتعالي ومرينا ياخاله استحي ماعندي حتى مواعين اضيفها وادخلها تجلس ع السرير حتى كرسي ماعندي وعادي ارحب واسلم عليها اصلا كلامها مافهمها بس اسمع لها ماامسك الجوال زي الباقين وبناتها نفسهم يطنشو وع جوالاتهم ، انا اصلا ماعندي صحبات ولا نحتك بالجماعه ولا احنا راعين كلام وزرجي عارف الحمدالله انا مقهوره مرا ليش كل هذا اول اقول غيره وحريم وانا اعقل منهم مع اني صغيره وهم كبار فوق الثلاثين ، يعني بجد زادت وش بقا !!؟ قلت والله لاشتكي عليها قذفتني وطردتني وسبتني وتهجمت واهانات ع مدار الوقت قال لا وساكت ،امي وقتها قالت لابوي ابوي عصب وناداني عندهم وقال ماتطلعي من هنا، وجا زوجي بعد يومين واخوه الكبير وكلمهم بكل هدوء ورحب فيهم وانتها !! وللحين انا محروقه وكرامتي احسها بالارض لا ابوي اخذ حقي ولا زوجي اخذ حقي ولا خلوني اتصرف حتى زوجي قال لي اممك لاترد خلينا نشوف الموضوع امي انقهرت تقول انتي مالك شغل هذي رسلت لي انا راح ارد عليهاوالله يعلم احنا مو حقين مشاكل وحتى كنت قبل اتكلم عنهم بالخير وكنت ادعي لهم يتزوجو بدون لايدرو وتزوجو بالفعل بسرعه ثلااثه وبقت وحدا ،وانا نفسيتي كل مالها تزيد وفكرت بالانتحار واكتئبت وتجمعت عليا الهموم احس ماعاد لي قيمه ولا مكانه قدام نفسي انا سكت احترام لزوجي ولابوي قلت بياخذو حقي وهم رجال بس ماصار شي انا تعبانه جدا جدا كرهت البيت والدرج كرهت كل شي انا ماعاد فيا صبر احس ابغا اخذ حقي ،. فكرة الصبر حاولت فيها والاحتساب بس كرهت نفسي صارحت زوجي باللي فيني يسمع لي ويسكت وانو اش الحل ؟؟! قلت انا راح اطردها المشكله انو البيت بيت زوجي والقرض ينأخذ من راتبه لمدة ١٦ سنه قدام انا المتضرره كمان ومع هذا رافض يقول مابغا مشاكل عشان امي ، قلت انا تحملت عشانك وعشان امك ليش ماتعمل لي حساب ليش ماتحس فيني المشكله هو يشوفني انو خلاص كذا مره حاولت انتحر وبالمهدئات وحبوب الاكتئاب وعارف كل صغيره وكبيره قلت انا ماراح اسوي شي لامك امك ع العين والراس بس مايصير اسكت عن حقي وانهان في بيتي عشان رضا امك من رضا اختك امك لو تعيش عندي هنا انا ماعندي مشكله والله العالم اني اخاف الله فيها واعتبرها وافكر فيها زي كانو امي بس انا تعبت من سكوتي تعبت وزوجي مو راضي ويوعدني انه رح يشوف حل واذا سالته يعصب وانا خلاص اذا شافني ابكي يسمعني ويواسيني ويوعدني ياخذ حقي ويتناسا. قلت له رضا امك واجب وراح نرضيها بس ذي مااقدر اتحملها ابغا حل كيف اخذ حقي بدون لايزعل امه يقول عندها ضغط وسكر اخاف تموت بسببي قلت انت ارضيها انت انشغل في امك ماعليك في اختك يقول لا اخواني بيقولو وين تروح بالشارع ؟؟! وهذا بيتها ومن هالكلام يقول انو هم دفعو فلوس ، قلت فلوسهم مابناكلها حرام بنعطيهم اياها بس هذول مايدخلو بيتي ،هي حاليا ماتسوي شي انا ماقد دخلت عندهم من وقتها، بس انا مو راضيه واتمنى الحل يكون عقلاني الصبر ماعاد فيني ولا ابغا احتسب الاجر احتسبت بما فيه الكفايه لدرجة انا ابغا انتحر . وللمعلوميه هم من جماعتنا بس من بعييد يعني ماكانو يعرفونا ولانعرفهم اسفه ع الاطاله وشكراً.