خطيبي لا يغادر منزلنا وأهلي يتذمرون

مشكلتي هي خطيبي وعدم حساسيته لا يشعر فيني ابدا انا بشتغل دوامي كتير طويل وبيجي كل ليلة يسهر عندي بعد ما خلص شغلي لدرجة اوقات بقول بس بدي اوصل عالبيت بدي نام لريح جسمي بتفاجا انو بدقلي انا نازل لعندك ما فيي يمرق يوم وما شوفك صدقوني بالاول بتفرحو بهالحركات بس بعدين بيجي وقت بتتعب البنت وخصوصي انو بيتنا غرفتين بس يعني صالون وأوضة نوم بس بضطر احجز حرية اهلي بسهرو معنا شوي وبيتركونا نحكي وبفوتو كلن لجوا عغرفة وحدة 6 اشخاص ولما بيقعد ما بتقضى بساعتين ابدا بتسحب معو 4 او 5 ساعات لدرجة بصير اكلة هم اهلي جوا هلق بس فوت رح يبهدلوني ومجرد ما وصل عالبيت بدقلي ليحكيني لك نطور عالقليلة لضب الاكل والضيافة او بيحكيني واتساب شي ساعتين وانا بكون هلكانة بس بدي نام و لما يفل من عندي بعلقو فيي اهلي انو بدنا ناخد راحتنا نحنا 7 اشخاص بالبيت بس انا ما طالعة معي احكي ابدا خايفة اجرحو هوي طيب كتير لدرجة اذا بلطشو حكي ما بحس انو بقصد عنو معانو احيانا بكون الكلام واضح اني بلطشو الو حتى من كم يوم جيت عال 9 ونص من شغلي بدقلي انا وعم وقف تكسي حبيبتي خبري اهلك جاي انا وامي نسهر عندكن صرت ابكي عالطريق لك طيب ما بتفكر انو هالبنت جاي تعبانة بدا تتحمم وتاكل وترتاح شوي اضطريت قلو اهلا وسهلا وركض عالبيت خبرت امي لتجيب ضيافة وتلبس بخلال ربع ساعة اجو وسهروا لاي ساعة انا بس بدي يحس فيني يحس بتعبي عدا عن طلباتو لما بيجي ما بتخلص حبيبتي جيبيلي مي حبيبتي جيبيلي الفحم دوري المروحة لفيلي شي اكلو وانا بكون عم موت من تعبي لك بينلو اوقات انو بستقصد يفهم بقلو اليوم تعبت كتيررر بالشغل بس ما بحس انا تعبت والله هوي متعلق فيي لدرجة حتى مصرياتو بيتركن كلن معي لضبلو هني بدو اي شي بيطلب مساعدة مني برمضان صار شغلي فول تايم من 9 لا 9 عندو عرس رفيقو ضل ناطرني لروح معو ليجيب بدلة يا حبيبي روح انت انا والله تعبانة لا انت بدك تكوني ظبطا ترم الافطار اكلت ساندويش عالطريق بسرعة ورحت معو عصيدا وانا ساكنة بيروت لجبتلو بدلة تعبني اقسم بالله بحس عندي طفل وبدي اهتم في شو الحل معو انا بحبو وبحترمو ولا مرة يشهد الله بينتلو اني مضايقة حتى وضع اهلي مش منيح ابدا. لدرجة ما بكون معي جيب ضيافة لالو وكل ليلة بهكل هم هالشي