قررت أن أتنازل عن حقوقي مقابل حريتي

يعطيكم العافية .. عمري 28 سنة ، متزوجة من 4 سنين ، ومخلصة دراسة "طب أسنان" ، للأسف ما توفقت بزواجي ، وطلع زوجي رجل غير سوي رغم إنو سألت عن أخلاقه والجميع مدح فيه ، لكن تعامله معي وقلة ثقته بنفسه وفيي ، وبخله الشديد بالذات ، وبضرب وبسب وبشتم ، كل هاي الأشياء خلوني أطلب الطلاق منه ، المشكلة بأهلي ، اللي مش قابلين إني أرجع عندهم أنا وولادي !! بدهم ياني أخلي ولادي عنده ، طيب هو شخص غير مسؤول كيف بدي أترك عنده طفلين صغار!! حاولت أقنعهم بكل الطرق وأشرحلهم وضعي لكن نهائياً مش متقبلين الفكرة ، هاد غير إنه زوجي مش راضي يطلقني إلّا لما أتنازل عن حقوقي ، صرلي شهرين عايشة بدوامة المشاكل هاي ، حالياً قاعدة عند أهلي والكل مش عاجبه إنه ولادي معي ، وبعاملوهم بطريقة بشعة آخر حل وصلتله إني آخد ولادي وأتنازل مقابل إني أحصل ع حريتي ، وأعيش لحالي وأصرف عليهم وما بدي جميلة حدا وراتبي الحمدلله منيح وبعيشنا! هاد حل صح؟؟ ساعدوني