زوجة أبي لم تساعدني عند ولادتي فهل أتصرف مثلها؟
مرحبا انا عمري 19 سنه وحيدة اهلي لااخوان ولا خوات امي توفت ابل سنتين وحسيت بوجع كبير وكل الناس اتغيرت معي وبطل حدا يسأل فيني ولا يحكي معي وانا من يوم ما اتزوجت زوجي ما بحب اتواصل مع صحباتي وبنات عمي لانوا بنات عمي قوايه وما بدو اتعلم منهم اشي واهل امي خلص ما بشوفهم الا في المناسبات بابا اتزوج مرت ابوي منيحه حرام صح اولها عملتلي مشكله مع بابا بس شكلها حست بالذنب ورجعت كتير منيحه معي انا كنت بدي اولد وجوزي ما كان في البيت كان في الشغل الساعه 4 الفجر رنيت علي بس ما سمع التلفون رنيت على بابا بيني بيتي وبيت اهلي شارع اجه بابا وهي ما اجت معو طيب انا شو بدي في يجي لحالوا يعني لو صار معي اشي مين بدو يلبسني او يساعدني يعني بدي تكون معي مرا يعني هو ما رح يعرف يعملي اشي والله ابني ما عرف يلبسوا وانا بطلق رحت لبستوا عشان اودي عند دار سلفي حتى انهم ما اخدو ابني عندهم ال بنخاف يصير يبكي المهم ولدت اجوا عندي على البيت بالليل والله ما عملتلي مرتوا ولا اشي ولا قامت من محلها جوزي وهي عنا راح عملي شوربه وحطلهم معي هو الي حط الاكل وقاموا وهي قاعده وجلى الصحون وهي بس بتحكيلي بدك اعملك اشي يعني ايش احكيلها اومي اغسلي يعني البيت قدامك وانتي ادرا الناس اني ما الي حدا من بعد ربنا يخدمني حتى بنات حماي ساكنين بمحافظه تانيه بدال ما توقفي معي وتحكي ما في حد يساعدها وانا والله اني كتير منيحه معها تاني يوم رجعوا اجوا عندي بالليل والله اني قمت ضيفتها انا عملت شاي وببسي وشوكلاته ومخلوطه وحطيت كيك اسف اني عم بحكي هيك بس عم بحكيلكم يعني قصدي اني قمت اكتر من مره.وانا الي اضيف عشان واجبهم وجوزي يحكيلي قدامها لا تتحركي ارتاحي ما بصير وهي ولا تحركت من محلها تالت يوم انا قمت عزلت بيتي وغسلت لاني مطره فش حد يساعدني وهي بيني وبينها خطوتين وبابا بروح من الشغل متاخر يعني بامكانها تيجي وهو بالشغل بس ما اجت هسه هي بدها تولد هي من سوريا امها وابوها واختها متزوجه عايشين هو امها بتخدم ابوها واختها عشان ابنها ما بتقدر تيجي عندها انا محتاره حزنانه عليها لانوا ما في حد يساعدها بس انا عندي ولاد 2 صغار سنه وعشر شهور وعشر شهور بس حابه اساعدها بس انا كل ما بتزكر انوا هي كانت فاضيه وما في عندها اي شي وانا في امس الحاجه لحدا وهي بتعرف وما اجت ساعدتني بحكي ما بدي اروح ورح اعمل زيها بس برجع بحكي خلي ربنا يوقفلي ولاد وبنات الحلال بحياتي بس حزنانه على حالي ونفسي تنحط بمكاني عشان تحس فيني شو اعمل ساعدوني
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
- الدكتورة سناء مصطفى عبده يا ابنتي انت تتعاملين مع الناس بأصلك واخلاقك لذا اسمعي كلامي اعملي المعروف ولا تبالي إن لم ينفع مع العبد نفع مع الباري، ان امكنك ذلك وعندك وقت ومع اولادك ومريت تساعديها ساعديها، لان الهمة والمروة ما بدهم عزيمة، في ناس بطبعها خدومة وبتقدم ولو في بيوت الاصحاب وفي ستات في بيوتهم ما بيحركوا حالهم، وبعدين الله يرحم امك وامي وكل الامهات بدي اياك تعرفي انه في كتير بنات ولدوا بالغربة وهم لحالهم وما حد ساعدهم، خليك بطلة وجدعة ولا تتحملي جميلة حدا، ديري بالك على حالك وبيتك واولادك وان قدرت ساعدت مرت ابوك، بيكفي يكثر خيرها عم تخدمه وترعاه وقايمة فيه وشايلة حمله عنكم، لا تتعاملي معها وحدة بوحدة بل تعاملي معها كما يجب للاصول في التعامل ان يكون، لو كانت امك تراقبك ما التصرف لاذي سيعجبها وتفرح به وتجعليها تتفاخر بك؟ وفقك الله واي مساعدة انا بالخدمة :)
- 0
- اعجبني
- .
- اضف رد
- .
- عرض الردود
- .
- 17-09-2017
-
- 0
- اعجبني
- .
- اضف رد
- .
- عرض الردود
- .
- 13-09-2017
- 0
- اعجبني
- .
- اضف رد
- .
- عرض الردود
- .
- 13-09-2017
- 0
- اعجبني
- .
- اضف رد
- .
- عرض الردود
- .
- 13-09-2017
- 0
- اعجبني
- .
- اضف رد
- .
- عرض الردود
- .
- 13-09-2017
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث اسئلة قضايا اجتماعية
اسئلة من بلدك
احجز استشارة اونلاين
شارك في اخر الاختبارات